Tanja Nielsen Arhusimi Kalaallit Illuutaanni maajip aallaqqaataani pisortanngussaaq.Assi: Privat

Jyllandip qeqqani kalaallit siuttortaartut

Aarhusimi Kalaallit Illuutaat maajip aallaqqaataani pisortartaassaaq.

Aarhusimi Kalaallit Illuutaat nittartakkamini taama ilisimatitsivoq.

49-nik ukiullip Tanja Nielsenip, Jørn Holbech pisortatut atorfimminit qanittukkut soraartoq, paarlassavaa.

Pisortanngortussaq nunatsinni inunngorlunilu alliartortoq Danmarkimi Skanderborgimi maanna najugaqarpoq.

Naajuitsorsiortutut University of Alaskami, Fairbanksimi USA-miittumi Aarhus Universitetimilu ilinniagartuujuvoq.

AAMMA ATUARUK Aarhusimi Kalaallit Illuata pisortaa soraartoq

Tanja Nielsen ilaatigut Danmarkimi ingeniørit suliffeqarfianni atorfeqarnikuuvoq, Danmarkimilu imermik pilersuisut imermillu eqqagassalerisut peqatigiiffianni DANVA-mi piffissami kingullermi atorfeqarluni.

Tamatuma saniatigut Royal Arctic Linep siulersuisuini ukiuni arfineq-pingasuni ilaasortaanikuuvoq. Aarhusimi Kalaallit Illuutaanni pisortanngorfigisassamini siulersuisuni aamma ilaasortaanikuuvoq.

AAMMA ATUARUK Odensemi Kalaallit Illuutaanni pisortaq soraartoq

- Aarhusimi Kalaallit Illuutaata aaqqissuussaaneranik pitsanngorsaallunilu tassanilu siuttuulluarumaartoq naatsorsuutigaarput, pisariaqarmammi. Nalitsinni Kalaallit Nunaanni pissutsit aallaavigalugit aqutsisinnaasumik ineriartortitsinermullu periarfissanik tapittumik pisortartaarnissarput pingaartipparput, Aarhusimi Kalaallit Illuutaanni siulersuisuni siulittaasoq, Aage Rais, oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat