Odensemi Kalaallit Illuutaanni pisortaq soraartoq
Inuk kalaallinut amerlasuunut pingaaruteqartoq Danmarkimi maanna soraarninngortussanngorpoq.
Odensemimi Kalaallit Illuutaanni, Illu Atlantikumilu pisortaasimasoq Kirsten Mærsk, ukiuni 16-ini sulereerluni soraarninngulerpoq. Kalaallit Illuutaat facebookimini taama ilisimatitsivoq.
Kirsten Mærsk Odensemi Kalaallit Illuutaanni 2013-imiiilu Illu Atlantikumi pimoorussilluni ukiuni kingullerni 16-ini suliniuteqarsimasutut ilisimaneqarpoq.
Kirsten Mærskip soraarninngornissani qangali aalajangerpaa, coronavirusip tuniluutilinnginneranili aalajangerlugu.
AAMMA ATUARUK Aarhusimi Kalaallit Illuata pisortaa soraartoq
Illu Atlantikup Odensemi pilersinneqarnerani pingaarutilittut inissisimasutut eqqaamaneqassaaq, Odensemilu Kalaallit Illuutaata ukiunik 40-ni atuussimasup Illu Atlantikup ataani inissisimalernissaanut pingaarutilittut aamma inissisimalluinnaqqissaarluni.
Kirsten atorfimminit maajip ulluisa 15-ianni tunuassaaq, juunillu ulluisa 30-anni soraarninngussalluni.
Kirsten Mærskip soraarninngortussanngornera malunnartinniarlugu pilersaarutit malillugit maajip ulluisa 14-ianni ilasseqatigiinnissaq coronavirusimik ajornartoorneq pissutigalugu utaqqimaarneqartoq, Odensemi Kalaallit Illutaat allappoq.
