Joe Bidenip aallaasit assigiinngitsut inerteqqutigilersinniarai

Coloradomi inuit qulit angutip 21-nik ukiulluip aallaasersornerani toqutaapput. USA-milu ullut marluk ingerlaneranni allaasersornerit aappaat tassani pivoq.
- Politikkikkut partiilersuunneq uani ajornartorsiutaasariaqanngilaq taamaattussaananilu. Amerikamiut akornanni ajornatorsiutaavoq. Amerikamiut inuunerannik annaassinerussaaq. Qanoq iliuuseqartariaqarpugut, Biden oqarpoq. Assi © : Jonathan Ernst/Reuters/Ritzau Scanpix
Allattoq Ritzau
marsip 24-at 2021 07:53
Nutserisoq Jaaku Lyberth

USA-p præsidentiata, Joe Bidenip, aallaasit assigiinngitsut eqqarasuartaatit inerteqqutigilersinniarpai.

Angut 21-nik ukiulik naalagaaffimmi Coloradomi pisiniarfissuup eqqaani eqqaassilluni inunnik qulinik toqutsinerata kingorna taama oqarpoq.

USA-mi inuit amerlasuut ullut arfineq marluk ingerlaneranni toqunerannik kinguneqartumik aallaasersortoqarpoq.

Siunissami inuunissamut annaassinissamut silatusaartumik alloriarnissamut minutsi ataaseq utaqqisoqartariaqanngitsoq, Biden USA-mi inuiannut oqalugiarami oqarpoq, politikikkullu suleqatini iliuuseqaqqullugit kaammattorlugit.

- Politikkikkut partiilersuunneq uani ajornartorsiutaasariaqanngilaq taamaattussaananilu. Amerikamiut akornanni ajornatorsiutaavoq. Amerikamiut inuunerannik annaassinerussaaq. Qanoq iliuuseqartariaqarpugut, Biden oqarpoq.

AAMMA ATUARUK Coloradomi inuit qulit pisiniarfissuarmi aallaasersortoqarnerani toqutaasut

Amerikamiut soorlu atuarfinni, imerniartarfinni filmertarfinnilu inuppassuarnik ukiorpassuit ingerlanerini eqqaassilluni toqoraanernik kingunerlutsitsipput.

Taamaammat amerikamiut amerlanerussuteqangaartut sakkut atornissaannut inatsisip sukaterneqarnissaa kissaatigaat, amerikamiulli sakkunik tigummiarsinnaatitaanerannik innarliinertut amerlanerit isigigamikku killilersuinerillu suugaluartut akerleralugit Det Republikanske Partii aaqqissuusseqqinnissamut akerliujuarsinnarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk