Coloradomi inuit qulit pisiniarfissuarmi aallaasersortoqarnerani toqutaasut
Coloradomi politeeq aallaasersorfiusumut orniguttut siulliit ilaat toqutaasut akornanniippoq.
Aallaasersorneq politiinit misissorneqaleruttortoq, politiit pisortaat Kerry Yamaguchi oqarpoq aallaasersornermullu suna pissutaanersoq aamma oqaatigisinnaanngikkallarnerarlugu.
Allattoq Ritzau
marsip 23-at 2021 09:00
Nutserisoq Mads Lynge, Naja-Vivi Mikaelsen
USA-mi naalagaaffimmi Coloradomi illoqarfiit ilaanni Boulderimi inuit qulit pisiniarfissuarmi ataasinngornermi unnukkut aallaasersortoqarnerani toqutaapput.
Boulderimi politiit tusagassiortunik ataasinngornermi unnukkut katersortitsinermi taama ilisimatitsisut, nutaarsiassaqartitsivik Reuters allappoq.
AAMMA ATUARUK Canadami aallaasersortoqarnerani inuit toqutaasut amerleqqittut
Politeeq Eric Talley, aallaasersorfiusumut orniguttut siulliit ilaat toqutaasut akornanniippoq.
Aallaasersortuunasorineqartoq politiinit tigusarineqarpoq.
Aallaasersorneq politiinit misissorneqaleruttortoq, politiit pisortaat Kerry Yamaguchi oqarpoq aallaasersornermullu suna pissutaanersoq aamma oqaatigisinnaanngikkallarnerarlugu.
