Issittumi oliasiornissamut suliassaq eqqartuussisutigoortoq nutaaq
![](/sites/default/files/styles/image_934x467/public/article_images/olieboring_foto_statoil_arvid_steen.jpg?itok=aChZ5tkL)
Avatagiisit pillugit suliniaqatigiiffit Issittumi qillerilluni oliasiorniarneq misilillugu unitsinniarsariniarpaat.
Greenpeacekkut aammalu Nature & Youthikkut ataatsimoorlutik Norgimi naalakkersuisut suliassanngortinniarpaat Barethavimi misileraalluni qillerilluni oliasiorsinnaanermik akuersissuteqarsimanerat pillugu. Taama allappoq Financial Times.
Suliniaqatigiffiit isumaqarput Norgip silap pissusaanut isumaqatigiissut unioqutikkaa, tassalu siorna Pariisimi isumaqatigiissutaasoq. Tassami Norge qillerinermik nutaamik aallartitissaguni, taava pisussaaffik isumaqatigissuutaasoq CO2-imik annikillisaanissaq qatagiinnartissavaa.
Greenpeace isumaqarpoq suliakkiussamut ajungaassagunik, annertuumik kinguneqarluassasoq Norgemuinnaanngitsoq aammali Issittumut tamarmut.
- Ajugaassagutta maligassiunermik sakkortuumik pilersitissaagut. Silaannaap allanngoriartornera kigaallisinneqassappat tamakkua nunap iluaniitut ikummatissat nunamiiginnartariaqarput, Truls Gulowsen Greenpeace Norgemeersoq Finanscial Times taama oqarpoq.