Kulturi

ASSIT Issittoq pillugu misigisassarsiorfiliorniartut

Knud Rasmussenip Danmarkimi illoqarfigisaani issittumisut misigisassarsiortarfissamik sananissamut missingiut pingasunngornermi saqqummiunneqarpoq.

Allattoq Helle Nørrelund Sørensen

oktobarip 31-at 2016 06:21

Nutserisoq Erna Lynge

Suliniuteqartut neriuutigaat sullissivik aqqutigalugu Kalaallit Nunaata Danmarkillu attaveqatigiinnerat pillugu paasissutissanik siammartereqataajumaartoq.

Knud Rasmussen Selskabimili siulitaasoq pilersaarummut qularpoq.

- Sjællandip avannaani Hundestedip umiarsualiviani misigisassarsiortarfissap titartagartai takuteqqaarneqarput.

Aamma atuaruk Katersugaasivik Knud Rasmussenimut tunngasoq nutaaq Danmarkimi

Hundestedimimi Issittumut qaninnerorusuttut misigisimallutik Halsnæsip Kommuniani borgmesteri Steen Hasselris oqaluttuarpoq.

- Knud Rasmussenip illuani saqqummersitsinissamut inissaqarpianngilaq. Taamaattumik eqqarsarpugut Knud Rasmussen pillugu iliuuseqarnerorusulluta oqaluttuarisaanerlu nutaanerusoq Issittorlu tamaat aamma ilanngullugit.

- Kunuunnguartut iliorutta: tassa Issittoq inuilu ilisimasassarsiorfigalugit oqaluttuareqqillugillu ajussanngeqaaq. Taamaallaat umiarsuit aqqutaat, silap pissusaa, naalagaaffiit pillugit politikki aatsitassat tamakkulu pillugit oqallinnerit ilannguttariaqarput.

Nunatsinni pinngortitaq isumassarsiorfiginiaraat

Sanaartugassanik ilusilersuisartut CEBRA siunnersuusioqquneqarsimapput, arkitektilu Carsten Primdahl ima oqarpoq:

- Issittumi misigisartakkat ilusilersukkallu isumassarsiorfigaavut.

Sanaartugassanik ilusilersuisartut siunnersuusiorsimapput illuikkiamit isumassarsillutik qarajuttunik pingasunik qalialinnik siunnersuusiorlutik.

Aamma atuaruk Knud Rasmussenip illua ikuallaleraluartoq

Illuikkiat Issittormiunut attuumatinneqarput, anorersuarnut issimullu akiuussinnaasutut.

- Illuikkiatut ilusilerneqarnera nutaartaqanngippallaaqaaq, siku issi qaannallu eqqartorneqarpallaaqaat. Isumaqarpunga allanngorlugu Knud Rasmussenitut suleqataatullu ilusilersuisariaqartugut:

- Taakkumi naggueqatigiit Inuit akornanni oqaluttuarisaanikkut kulturikkullu ataqatigiinnerit pillugit eqeersaasuusimapput, neriuutigaaralu Hundestedimi misigisassarsiortafissap tamanna aamma ersersikkumaaraa, Knud Rasmussen Selskabimi siulittaasoq Claus Oreskov taama oqarpoq.

Halsnæs Kommune ukiup nikinnerata missaani aalajangissaaq misigisassarsiortarfissaq sanarusunnerlugu. Akuersisoqarpat kommunip missingersuutit 150 millioner koruuniusut qinnuteqaateqartarnikkut katersorniartussaassavai.

Aamma atuaruk Nunatta Katersugaasivia nutaamik suleqatitaarpoq

p.p1 {margin: 0.0px 0.0px 0.0px 0.0px; font: 13.0px Helvetica; -webkit-text-stroke: #000000} p.p2 {margin: 0.0px 0.0px 0.0px 0.0px; font: 13.0px Helvetica; -webkit-text-stroke: #000000; min-height: 16.0px} span.s1 {font-kerning: none}