Politiit ullormut nalunaarutaat: Inuusuttut pingasut iluliaminermut aporlutik kinngusimasut ajunngitsulli

Kalaallit Nunaanni Politiit Narsap eqqaani umiatsiamik kinngusimasumik marlunngormat nal. marluk missaanni nalunaarfigineqarput.  

- Poca 600-q iluliaminermut aporsimavoq inuillu ilaasut pingasut imaanut igeriunneqarlutik, Kalaallit Nunaanni Politiit sillimasuisa pisortaat Jeppe Andsager oqarpoq.  

Taassuma arnat angutillu marluk umiatsiamiissimanerarpai, marluk inuusuttuaqqat ataaserlu angut 20-t missaannik ukioqarnerarlugu. 

- Namminneq iluliaminermut qaqisimapput, Jeppe Andsager oqarpoq:

- Umiatsiaq ajutoorujussuarsimavoq ilaasulli qujanartumik annassimapput. Minutsit tallimat qulillu qaangiummata umiatsiap Disko Linemeersup saneqqulluni qaqippaat.  

Taamaattumik inuusuttut pingasut pisoq eqqarsaatigalugu ajunngillat: 

- Narsami umiarsualivimmukaanneqarput, kingornalu peqqissaavimmit misissorneqarlutik. Ajoquserujussuarsimanngillat qiulersimaqaalli, Jeppe Andsager oqarpoq.  

Kalaallit Nunaanni Politiit suliamik aallartitsinissaminnut pilersaaruteqanngillat: 

- Iluliamernup arajutsineratigut ajutoorsimapput taamaattumik politiininngaanniit suliamik aallartitsissanngilagut.