2017: Inuit katillugit 18-it imaatigut angallannermi nunamiluunniit ajunaartut
Ajunaartut amerlanerit imaatigut angallannermi pipput. Maqaasineqartut ajunaartullu 18-it akornanni 17-it imaatigut angallannermit pipput. Sermitsiaq.AG taama allaaserisaqarpoq.
Kisitsisit Kalaallit Nunaanni imaatigut timmisartunillu annaassiniarneq pillugu ukiumoortumik nalunaarusiami takuneqarsinnaapput, ima ilaatigut allassimasoqarluni:
- Inunnit 18-it 2017-imi annaanneqanngitsoortunit 14-it suli nassaarineqarsimanngillat, tamannalu 2016-imut sanilliullugu annertuumik qaffariarnerulluni, ukiumoortumik nalunaarusiami erseqqissaatigineqarpoq.
AAMMA ATUARUK Bådforlis: Én fundet død og tre fortsat savnet
Maqaasineqartut akornanni sisamat Nuugaatsiami tassaarsuaqarneraneersuupput.
Nalaunaarusiaq naapertorlugu ajutoornerit affaat umiatsiaararsornermi pipput. Umiatsiaaraq sukkasuumik kivisimanngikkuni kingusinaartumilluunniit kalerriisoqarsimaneranit ajutoornerit affaat pisimapput.
Inuit katillugit 274-it ajutoornissamut siorna ulorianartorsiorsimapput, taakkunannga 256-it annaanneqarsimallutik.
Kisitsisit taakku aallaavigalugit inerniliisoqarpoq, annaassiniarnerit 95,6 procentii ajunngitsumik kinguneqartartut, naak kisitsit taanna ukiut siuliinut naleqqiullugu minnerugaluartoq.