- Immap sikusarnera nalinginnaasumik kingusinneruvoq. Sikunerusalernissaanut ukiornissaannullu issutsinnissaanut piffissaq sivikinnerulissaaq upernaakkut siusissukkut aakkiartortalissagami, Rasmus Tonboe oqarpoq. Toqqorsivimmit assi

Immap sikua aatsaat taama annikitsigileriartortoq

Naaffeqanngitsumik aakkiliartortoq, DMI-mi ilisimatooq immap kissarneruleriartornerata Issittumi immap sikuanik pilersisarnermut kinguartitsinera pillugu naliliivoq.

Immap sikua ukiup taamaalinerani aatsaat taama annikitsigisoq, Danmarkimi silasiorfik Danmarks Meteorologiske Institut nalunaaruteqarpoq.

Immap sikuata siaruaanera ukiup siuliani ukiup taamaalineranut silasiorfimmit assersuunneqarpoq. Assersuusiarineqartorlu pakatsinarpoq.

- Nammineerlunilu allanngoriartornerup inernera maannakkut takusinnaavarput, immap sikuanit immikkut ilisimasalik Rasmus Tonboe DMI-meersoq taama oqarpoq.

AAMMA ATUARUK Pinngortitaleriffik: Nannut avannaaniittut uumaffigissaarallarput

Issittumi immap sikua ukiuni kingullerni 40-ni annikilliartuinnavippoq.

Ukiormannalu oktoberip qaammataani immap sikua aatsaat taama annikitsigisoq, DMI-mit oqaatigineqarpoq.

- Sikup siusinaarluni aakkiartornera sikullu siaruaannerata arriinera pissutigalugit imaq seqinermit kissarneqarnissaanut piffissaq sivisunerusimavoq. Maanna issisiut norlumit nillerneruleriikatakkaluartoq piffissaq sivisooq qaangiuppat aatsaat imaq nillertissaaq sikullunilu, Rasmus Tonboe taama nassuiaavoq.

- Sikup siaruaappiarsimannginneranut pissutaavoq, imaq nalinginnaasumit suli kissarnerugami.

Ingammik issittup kangisinnerusortaani Sibiriap avannaani imaq nalinginnaasumit marlunnit sisamanut kissarneruvoq.

Qeqertaaluup kangerliumarngani Kalaallit Nunaata Canadallu akornanni immap qaava nalinginnaasumit marlunnit kianneruvoq, sikusinnaajunnaarluni.

Pissutsit taama innerat ajortunik kinguneqassaaq, imarmi kingusissukkut sikuguni upernaakkut sukkasuumik aattassaaq.

AAMMA ATUARUK Septembarimi nunarsuarmi ukioq manna pingajussaanik aatsaat taama kiatsigisimasoq

- Immap sikusarnera nalinginnaasumik kingusinneruvoq. Sikunerusalernissaanut ukiornissaannullu issutsinnissaanut piffissaq sivikinnerulissaaq upernaakkut siusissukkut aakkiartortalissagami, Rasmus Tonboe oqarpoq.

Rasmus Tonboep oqarnera naapertorlugu, nammineerluni allanngoriartorneq pineqarpoq, nunarsuarmi tamarmi marlunnik amerlanerusunilluunniit kianneruleriartorneranut sunniutaasut sakkortusarneqarneranik patsiseqartoq.

- Naaffeqanngitsumik aakkiartorpoq. Nunarsuarmi tamarmi kiatsikkiartornera issitumi sakkortunerulersinneqarpoq. Taamaattummik silap pissusaata allanngoriartornerata issittoq sakkortuumik eqqorpaa, Rasmus Tonboe oqarpoq.

Issittumi siku aatsaat taama annikitsiginera siorna oktoberimi paasineqarpoq.

Immap sikua pillugu immikkut ilisimasalik Rasmus Tonboe qanittumi Qalersersuarmiippoq tyskit sikusiutaannut "Polarstern" imut ilaalluni.

AAMMA ATUARUK Sermip immamut atanerisa Issittumi annersaat kaanngartoq

Taassuma namminneerluni takuaa qanoq sikup saalisimatiginera.

Sikusiut Qalasersuarmi sikkussaanissaa siunertaavoq sarfarneranillu ingerlaassalluni paasiniagartik paasiniarlugu. Tamannalu qaammatini 13-ni pinissaa naatsorsorneqarpoq.

Siku umiarsuup sikkussaaffia naatsorsuutigisamik aakkiartupallappoq.

Umiarsuaq qaammatit qulit Qalasersuarmiippoq.

/ritzau/

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat