Sermeq immamut atasoq 160km2-imik 1999-imiilli kaanngartitsereerpoq. Tamanna New Yorkimi illoqarfissuarmit Manhattaniminngaanniit marloriaammik annertuneruvoq.Assi: Terry Feuerborn/Flickr Creative Commons

Sermip immamut atanerisa Issittumi annersaat kaanngartoq

Issittumi sermip immamut atanerisa annersaat nunatta avannaaniippoq. Taassuma aakkiartornera tupaallannartuunngitsoq, GEUS-imit professori oqarpoq.

Issittumi sermip immamut atanerisa annersaat Kalaallit Nunaata avannaaniippoq. Taanna kaanngarsimavoq, aakkiartorneralu annertusiartorpasippoq.

Danmarkimi Kalaallit Nunaannilu ujarassiuutut misissuiffik GEUS taama paasissutissiivoq.

- Ukioq manna kaanngarnera tupaallannarpallaanngilaq, GEUS-imi professori, Jason Box KNR-imut oqarpoq.

- Quppaannerujussuit ukiut arfinillit matuma siorna aallartittut takoreernikuuagut, sermerlu ukiut tamaasa kaanngarnerulaartarpoq. Aasat kingulliit marluk kiangaatsiarnera iigarneranut sukkanerulersitsivoq, professori oqarpoq.

Sermip immamut atanerat suua?

Sermeq immamut atasoq tassaavoq sikorujussuaq imaani puttasoq, kisianni sermimut iigartartumut suli atalluni.

Taakku sermit iigartartut sikullu sineriammit ingerlaarneranni pilersinneqartarput.

Sermip immamut atanerat Qalasersuaq Kujallermi, Kalaallit Nunaanni, Canadami Ruslandillu issittortaani kisimik nassaassaapput.

Sermeq immamut atasoq tassaavoq sikorujussuaq imaani puttasoq, kisianni sermimut iigartartumut suli atalluni.

Ilisimatuut qaammataasatigut assilisat atorlugit sermip immamut atanerisa nunatta avannaani allanngoriartornerat piffissami sikuerfiujunnaarnerani uuttortartarpaat.

Uisaallannartoq

Sermip immamut ataneri maanna kaangarsimasut Nioghalvfjerdsfjorden Gletcherip eqqaaniipput. Ukiuni kingullerni marlunni ukiumut kaanngartut 50 km2-init annertunerusut kisitsisit nutaat takutippaat.

Tamanna Joson Boxip GEUS-imi suleqataata, Niels J. Korsgaardip aamma tupaallaatiginngilaa.

- Sermip immamut atanerisa ilarujussuat kaanngartoq nakkutigigalugit uisaallannalaarpoq, kisianni Issittumi maanna ineriartortoqarnera pissutigalugu tamanna naatsorsuutigisariaqarpoq, Niels J. Korsgaard oqarpoq.

Issittumimi kianneruleriartornera nunarsuarmi tamarmi agguaqatigiissillugu kianneruleriartorneranit sukkaneruvoq.

- Imaani silaannarmilu kissarnerusoqarnera sermip imaanut atasut naqqanut qaanullu aatsitsiartorput, sermillu immamut ataneri saannerusut kaanngaqqajaanerullutik, taanna oqarpoq.

Aasat agguaqatigiissillugu kiannerusut

Jason Box isumaqataavoq. Aasat kingulliit marluk agguaqatigiissillugu kiannerupput.

- Tunup avannaa sermersuaqarnerata nalaani pissutsinut assingunerpaavoq Kalaallit Nunaannilu issinnerpaalluni. Tassani pissutsit allanut naleqqiullugu arriinnerusumik allanngoriartortarput, aasalli kingulliit marluk agguaqatigiissillugu kiassutsimit gradinik marlunnik kianneruvoq, annertuumillu aakkiartortoqarneranik takusaqareerpugut, Jason Box oqarpoq.

Sermeq immamut atasoq 160km2-imik 1999-imiilli kaanngartitsereerpoq. Tamanna New Yorkimi illoqarfissuarmit Manhattaniminngaanniit marloriaammik annertuneruvoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat