Septembarimi nunarsuarmi ukioq manna pingajussaanik aatsaat taama kiatsigisimasoq

Septembarimi nunarsuarmi aatsaat taama kiatsigisimatigaaq.

EU-mi suliniaqatigiiffik Jordens Observation pingasunngornermi taama ilisimatitsissuteqarpoq.

Ukioq manna qaammatit pingajussaat kiannerpaalluni rekordiliiffiuvoq, tassami januaarimi maajimilu aatsaat taama aamma kiatsigisimammat.

AAMMA ATUARUK Maajip qaammataa ukiuni 39-ni aatsaat taama kiatsigisoq

Nunani tamalaani suliffissuaqalernerup nalaanut naleqqiullugu qaammatit kingulliit aqqaneq-marluk ataatsimut isigalugit 1,3 gradinik kiannerusimapput.

Naalagaaffiit Peqatigiit silap pissusia pillugu ataatsimiittartoqatigiivi siusinnerusukkkut oqaatiginikuuaat sila ataatsimut isigalugu 1,5 gradinik kiannerulerpat tamanna nunarsuarmut kingunipiloqalissasoq.

Pingaartumik Sibiriami Issittumilu septembari pisarnermit kiannerusimavoq.

- Ukioq manna septembari siorna 2019-imi septembarimut naleqqiullugu 0,05 gradinik kiannerusimavoq, siornalu septembarimi aatsaat taama kiatsigisimalluni, Copernicus Climate Change Servicep nalunaarusiaani taama allaaserinnittoqarpoq.