1981-imit taama uuttortaasoqartalermalli aatsaat taama kiatsigaaq.Assi: Michael Lynge Pedersen

Maajip qaammataa ukiuni 39-ni aatsaat taama kiatsigisoq

Immat kissarnerurnerat nunami kiannerulertitsivoq. EU-p ilisimatuui maajip qaammataanik aatsaat taama kiatsisumik uuttortaapput.

Nunarsuaq kiassutsitigut rekordiliiffioqqippoq.

Nunarsuup qaammatip siuliani agguaqatigiissillugu kiassusia EU-mi sullissiviit ilaannit Copernicusimit uuttortarneqarmat, ukiuni 40-ngajanni aatsaat taama kiatsigisoq paasineqarpoq.

Ilisimatuut tallimanngormat taama nalunaaruteqarput.

1981-imit taama uuttortaasoqartalermalli aatsaat taama kiatsigaaq.

Immat kissarnerunerat pissutigalugu nunami kiannerunissaa naatsorsuutigineqartoq, silasiortut nunarsuaq tamakkerlugu suliniaqatigiiffiat (WMO) qaammatip siuliani nalunaarpoq.

Ingammik Alaskami, Sikuiuitsumi kujallermi Siberiallu ilaani nalinginnaasumit kianneruvoq.

Taakkunani agguaqatigiissillugu gradinik qulit angullugit nalinginnaasumit kiannerusoq, Copernicus Climate Change Servicep (C3S) kisitsisaataasa takutippaat.

/ritzau/dpa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat