Ilisimatusartoq Qaanaarmiut anaannik misissuiniartoq
Pinngortitaleriffimmi ilisimatusartup tamanna misissorusuppaa, immikkuullareqqinnaartumillu siunertaqarluni Avannaanut aallartussanngorpoq. Pinngortitaleriffimmi ilisimatusartup tamanna misissorusuppaa, immikkuullareqqinnaartumillu siunertaqarluni Avannaanut aallartussanngorpoq.
- Qaanaami peqataasussanik 20-t missaannik qinaasivunga, taakkua peqataasut anamik tunniussissapput, Aviaja Lyberth Hauptmann KNR-imut taama oqarpoq.
AAMMA ATUARUK Vi spiser ikke nok grønlandsk mad
Qaanaallu toqqarneqarnera nalaatsornerinnaanngilaq, peqataasummi sumiiffimmi ukiup ilaani inuussutissanik avataanit pissarsiffiusinnaasanngitsumi najugaqartuunissaat misissuinermut pingaaruteqarluinnarpoq.
- Misissorniarpakka ukiup ataatsip ingerlanerani, ilaannikkut kalaaliminertoraangatta ilaannikkullu nunanit allanit nerisassanik nerigaangatta inalukkatsinni tappiorannartunut qanoq sunniuteqartarnersut, ilisimatusartoq oqarpoq.
Peqataasussarsiortoq
Taamaammat misissuinermut peqataasut qaammatini tullerni 15-ini qaammatit tamaasa anaminnik misisussagassamik Qaanaami peqqissaavimmut tunniussisassapput, taakkulu Nuummut nassiunneqartassallutik.
Peqataasut plastikkimik puussiaq anartarfimmut ikkuttassaavaat, arnartik anartarfiup iluaniittunut akuliuteqqunagu.
- Tassunga anareeraanni alussaateeqqamik anamik mikisunnguamik tigusissapput, Aviaja Lyberth Hauptmann taama oqarpoq.
Taava misissugassaq Qaanaami peqqissaavimmut tunniunneqassaaq, tassanngaanniillu Nuummut nassiunneqassalluni. Misissugassallu 15-it tamakkerlugit katersorneqareerpata misissuinini aallartinniarpaa.
AAMMA ATUARUK Enzymit Ikkap kangerluaneersut laktoseqanngitsumik immuliornermi atorneqarsinnaasut
Inuillu anaminnik misissugassanik katersueqqunissaat killissamik immaqa qaangiinerulaaraluartoq, Qaanaami sisamanngorpat paasissutissiilluni ataatsimiititsileruni peqataasussanik 20-nik pissarsisinnaassalluni neriuutigaa.
- Soorunami eqqarsarpunga inuit maajugilaassagaat immaqa aamma ittoorissagaat anaminnik misissugassamik tunniussinissartik. Kisianni aamma eqqarsarpunga Kalaallit Nunaanni immaqa tissigineqalaassasoq, Aviaja Lyberth Hauptmann taama oqarpoq.