Enzymit Ikkap kangerluaneersut laktoseqanngitsumik immuliornermi atorneqarsinnaasut
Arsuup eqqaaniittumi Ikkami uumasuaqqat tappiorannartut aningaasarsiutaalluarsinnaapput. Taakkumi ilaatigut laktoseqanngitsumik immuliornermi atorneqarsinnaapput. Danskit aviisiat ingeniøren taama allaaserisaqarpoq.
Ikkamiipput sukat kalkiusut, tamakku tappiorannartunik enzyminillu immikkut piginnaasalinnik akoqarput.
Sukat immamiittut akorisaat enzymit immikkooruteqarput, Kalaallit Nunaatami imartaanut nillertumut naleqqussarsimasuupput. Taamaalillutik enzymit allat sapigaannik piginnaasaqarlutik. Assersuutigalugu sapingalinnut laktoseqanngittumik immuliornermi tamanna iluaqutigineqarsinnaavoq.
Enzymit atorlugit laktosiijakkamik immuliornermi kissaq annertooq pisariaqartinneqartarpoq, enzymilli Nunatsinneersut tulluussarsimagamik taamatut atorneqarnissaminnut kissamik annikittuinnarmik pisariaqartitsipput.
AAMMA ATUARUK Nunatta iluanaarnissani kinguarsarpaa
Sukat kangerlummi immap iluaniittut innarlerneqarnavianngitsut
Suliffeqarfik Coldzymes enzyminik taama ittunik piiaanissamut siullernut ilaalluni Namminersorlutik Oqartussanit akuerineqarsimasoq, Ingeniøren allappoq.
Mikrobiologimik ilinniarsimasoq ilisimatusartorlu Aviaja Lyberth Hauptmann mikrobiologimillu Nunatsinni sammisalik Peter Stougaard oqarput enzyminik taakkunannga tunisassiornerup sukat kangerlummi immap iluaniittut innarlernavianngikkaat.
Sukat ilaannik ilanngaalaarnikkut mikroorganismit enzymillu laboratoriani "kinguaassiortinneqarsinnaapput". Iluatsilluarpallu suliffeqarfinnut laktoseqanngitsunik immuliortartunut enzymit iluanaarniutigalugit tuniniarneqarsinnaapput.
Sukanit Ikkameersunit enzymit marluk maannamut Coldzymesimit kisermaassassanngorlugit pigineqalersimapput, ilisimatusartulli enzyminik allanik suli ujarlerput.
AAMMA ATUARUK Mineralsk mekka i Ikkafjorden