Ilisimatusarfissarsuaq Ilimmarfik aappaassa suliariumannittussarsiuunneqartoq
Ilisimatusarfissarsuup Ilimmarfiup sananeqarnissaanut aappassaa suliariumannittussarsiuunneqalerpoq.
Piffissami sivisujaami qinikkat akornanni Ilimmarfiup pilersinneqarnissaa isumaqatigiinngissutaasarsimavoq.
Ukioq manna februaarip qaammataani Namminersornerullutik Oqartussat Ilimmarfiup sananissaanut suliariumannittussarsiuussingaluarput, suliarli unitsinneqarpoq. Sananeqarnissanut 159 mio. koruunit aningasaliissutigineqaraluartut sanasunit assigiinngitsunit pingasunit soqutigineqarpallaarsimanngilaq.
Naalakkersuisut inatsisartut aningaasaqarnermut ataatsimiititaliaanut 2 mio. koruuninik immikkut tapiiffigineqarnissamik qinnuteqaraluarput, ataatsimiititaliamilli tamanna akuersaarneqanngilaq.
Taamaalillutik inatsisartut suliassaq aappaagu aningaasanut ataatsimiititaliap isumaqatigiinniutigineqartussanngortippaa. Atassumiit Demokraatiniillu akerlerineqarluaraluartoq, taamaattoq Ilimmarfiup 2005-mi sananeqarnissaanut Siumut Inuit Ataqatigiillu 100 mio. koruuninik aningaasaliinissaq isumaqatigiissutigaat. Sanasussallu maannamiit Ilimmiarfiup sananeqarnissaanut neqeroornissaminnut suli qaammatinik marlunnik periarfissaqarput. Pilersaarutit malillugit Ilimmarfik 2008-mi juunip qaammataani naammassineqassaaq.
