- Sikuiuitsoq kujallermi siku 1990-ikkut aallartisimalerneraniilli pingasoriaammik sukkatigisumik aakkiartorpoq. Tassalu sikuiuitsoq kujallermi siku 220 gigatonsitut oqimaatsigisoq ukiut tamaasa nunarsuarmi imavissuarni aattarpoq, Sebastian Mernild oqarpoq.Assi: Johan Ordonez/AFP/Ritzau Scanpix

Ilisimatooq: Sikuiuitsumi Kujallermi kiatsikkiartuinnarnera aarleqqutigisariaqarparput

Sikuiuitsumi Kujallermi siku pingasoriaammik sukkatigisumik aakkiartorpoq, kiatsikkiartuinnarneralu siunissaq eqqarsaatigalugu aarlerinartoq, ilisimatooq isumaqarpoq.

Silap sukkasuumik kiatsikkiartuinnarneranut isumakuluutissaqarluarpoq, tamannami sikuiuitsoq kujallermi ukiuni kingullerni takuneqarsinnaammat.

Norgemi Bergenimi ilisimatusarfimmi Nansen Senterimi professori, Sebastian Mernild, taama naliliivoq.

Taanna taama oqarpoq, sikuiuitsoq kujallermi aatsaavissuaq 20-it qaangerlugit kiassimaneranik sapaatiummat nalunaaruteqareermat.

Taama sukkatigisumik kiatsikkiartuinnarnera sikuiuitsoq kujalliup sikuanut annertuumik kinguneqalereerpoq.

- Sikuiuitsoq kujallermi siku 1990-ikkut aallartisimalerneraniilli pingasoriaammik sukkatigisumik aakkiartorpoq. Tassalu sikuiuitsoq kujallermi siku 220 gigatonsitut oqimaatsigisoq ukiut tamaasa nunarsuarmi imavissuarni aattarpoq, Sebastian Mernild oqarpoq.

AAMMA ATUARUK Sikuiuitsoq Kujalleq aatsaat taama kiatsigisoq

Sikuiutsup kitaata annersaata sikua qangarsuaaniilli aakkiartulersimasoq, Australiami New South Walesimi universitetimi ilisimatuut misissuineranni paasineqarpoq. Tassalu ukiut 100.000-it matuma siornatigut.

Sermip aakkiartorneratigut imavissuit meterit pingasut missaannik qaffapput.

- Maannakkut kiatsikkiartornera ukiut kingulliit 22.000-it ingerlaneranni quleriaammik sukanneruvoq, silap pissusaa pillugu ilisimatooq taama oqarpoq.

Kiatsikkiartornera periuseq ataaseq atorlugu unitsinneqarsinnaasoq, ilisimatooq isumaqarpoq.

- Inuit pilersitaannik silaannarmut mingutsitsineq aqunneqarsinnaasuuppat, CO2-mik aniatitsineq annikillisinneqarsinnaavoq, ukiunimi kingullerni tre millionini aatsaat taama qaffasitsigimmat, silap pissusia pillugu ilisimatooq, Sebastian Mernild, taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat