Politiit ullormut nalunaarutaat: Angut eqqunngitsunik taarsigassarsititsinissamik Kviklånimik neriorsuilluni peqquserlussimassutut unnerluutigineqartoq

Angut eqqunngitsunik taarsigassarsititsinissamik Kviklånimik neriorsuisimasutut unnerluutigineqarpoq. Peqquserlunneruvoq, Kalaallit Nunaanni Politiit oqaatigaat. Maannalu suliaq misissorpaat innuttaasullu mianersoqqullugit.

Allattoq Nicole Sander Bertelsen

juulip 23-at 2026 07:50

Nutserisoq Ivalu Thorleifsen

Ippassaq ullaap tungaani qulip missaanni unnerluutiginnittoqarpoq politiillu peqquserlunnertut suliassanngortippaat.

- Taarsigassarsigasuarnissaq Kviklån pineqarpoq. Tassani taarsigassarsisoqarnissaanik ikiuiniartoqartuusaarsimavoq, taarsigassarsiniartorlu taarsigassarsinnginnermini akiliiseqqaarneqarsimavoq, Kalaallit Nunaanni Politiini sillimasut pisortaat Aputsiaq Hansen oqarpoq.

Taarsigassarsisoqarsimanngilarli.

Taarsigassarsissagaanni eqqummaarittuusariaqarpoq, sillimasut pisortaat kaammattuivoq.

Politiinut unnerluussisoq aamma nammineq salloqittarneqarsimavoq, sillimasut pisortaat oqarpoq.

- Taamaattumik politiinut unnerluutiginnippoq.

Politiit suliami pasisaqarput sulili misissuipput, Aputsiaq Hansen oqarpoq.

Sillimasut pisortaata aningaasat qanoq amerlatigisut salloqittaatigineqarsimanersut oqaatiginngilaa innuttaasulli mianersoqquai.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.