Ilinniartut inaat napparsimasunut atorneqassapput
- Napparsimmaviup ungasinngisaaniittut ilinniartunut inissiat attartorsinnaavagut, tassanilu napparsimmasunut utaqqiisaasumik unnuisarfiliorluta. Naatsorsuutigaara sapaatip akunnera una isumaqatigiissuteqarumaarluta, immikkoortortami nakorsaq Ove Amnitzbøll oqaluttuarpoq.
Taamaattumik taassuma naatsorsuutigaa nakorsiat avataaneersut ataasinngornermiit naliginnaasumik inissinneqartalerumaartut.
Ove Aminitzbøll naapertorlugu napparsimmavittaanut inneq siaruaatinngimmat nakorsiat ikittuinnaat ikuallarnnermit eqqugaanerlupput.
Aamma atuaruk VIDEO Ikuallattoq takuuk
- Nunaqarfinniit nukingernanngittumik misissortikkiartortussat ilaat kisimik eqqugaanerlupput, nakorsiat tallimat tikinnissaat sapaatip akunnerata tullianut kinguartittariaqarsimavagut, ove Amnitzbøll oqarpoq.
Nakorsiat inaasa saniatigut aamma sulisunut inissiat 13-it ikuallattoorfimmiipput, ullut arlallit ulapaareernikkut sulisut inissianut allanut inissinneqarput.
Aamma atuaruk Assit Ikuallattoornerup kingorna sulisut nersualaarneqartut
Pequsersuineq eqqarsaatigalugu innuttaasunit illoqarfimmilu suliffeqarfiutilinnit assorsuaq ajunngisaarfigineqarpugut. Napparsimaveqarfimmilu sulisut Inuiattut ullorsiornitsinni allaat tamaviaarlutik sulisimasut oqaatigalugit.
Ikuallannerup kingorna sulisunut nakorsianullu inissianik ujarlernermi illoqafimmi innuttaasut suliffeqarfiillu iluarsiinissamut ajunngisaarsimanerat Ove Amnitzbøllip qutsatigai.
Aamma atuaruk Aasianni ikuallattoq siaruariartorunnaarpoq
Aamma atuaruk Aasianni napparsimmavimmiit qimagutsinneqartut