Assit Ikuallattoornerup kingorna sulisut nersualaarneqartut

Ikuallanneq sulisunit naammattoorneqarpoq.

- Sulisut nakorsiat inaanniittut qimagutsipallappaat inillu tamaasa misisupallallugit, Aasianni qitiusumik nammarsimmavimmi nakorsat pisortaat Ove Ammitzbøll oqarpoq. Taassuma aamma sulisut iliuusaat iluarisimaaqai.

- Tamarmik anipput, anisussammi kisitsisaatigaavut. Tassalu qujanartumik ajoqusertoqanngilaq,  nakorsat ittuaq oqarpoq.

Ikuallannerup nalaani nakorsiat aqqaneq marluk tassani ineqarput, taakkualu tamarmik Sømandshjemmimut, nakorsianut initut maanna atulerallartumut, nuutsinneqarput.

Nakorsiat inaata qalia tamarmi quleriillu qullersaata ilaa ikuallassimavoq, illorsuullu ilaa annertooq imermik ajoqusersimalluni.

- Iluarsaanneqarsinnaanersoq qularaara, kisianni uanga tamanna nalertussaanngilara teknikkikkut siunnersuisartuunngilanga, kisianni ajoqusersimaqaaq.

Aasiaat qitiusumik napparsimmavimmi nakosat pisortaat Ove Ammitzbøll taama oqarpoq.

Naak nakorsiat inaanni piffissami aggersumi sivisuumi najugaqartoqarsinnanngikkaluartoq, ulualunnguit qaangiuppata aaqqiissutissaqassallutik, nakorsat pisortaata naatsorsuutigaa.

- Nunaqarfiit attaveqarfigereerpagut oqarfigalugit, nukiginnarnerpaaginnaat tikisissinnaagivut. nukiginnanngitsut sapaatit akunnerata naalerneranut sapatilluunniit akunnerata tullianut, inissianik attartugassarsinissatsinnut utaqqisariaqarput, Aasianni qitiusumik nammarsimmavimmi nakorsat pisortaat Ove Ammitzbøll oqarpoq

Aasianni qitiusumik nammarsimmavimmi nakorsat pisortaat Ove Ammitzbøll aamma oqaluttuarpoq oqarpoq, napparsimmavik ikuallannermit attorneqanngitsoq.

Ikuallannermut suna peqqutaasimasinnaanera pillugu Aasianni politiit suli oqaseqartissinnaanngilagut.