Aasianni ikuallattoq siaruariartorunnaarpoq
Ikuallanneq Aasianni nakorsiat inaanni arfininngornermi unnukkut qulingiluat missaani aallartippoq. Uninngasut qulit sulisullu 31-it pujuliorneq peqqutigalugu Napparsimmavimmiit qimagutsinneqarput. Ikuallaffiusup qanittua pujuliorfioqaaq, taava aamma Napparsimaviup eqqaani innaallagiaq qaminneqarpoq.
Aamma atuaruk Aasianni annertuumik ikuallattoqarpoq
Aamma atuaruk Aasianni napparsimmavimmiit qimagutsinneqartut
Ikuallanneq qamisarlugu pisortaneersut nalunaaquttap akunnerpassuini tullerni ulappupput. Ikuallannerlu sapaammi arfernup qeqqata missaani siaruariartorunnaarpoq, kisianni ikuallaffiusumi annikittumik arfernup missaani suli ikuallanneqarpoq.
- Ikuallaffiup eqqaa assersugaavoq, tamannau innuttasunit ataqqineqaqquneqarpoq, politiit kaammattuipput.
Uninnngasut sulisullu isumannanngillat
Ikuallannermut suna pissutaanersoq suli paasineqanngilaq, ullunilu aggersuni tamanna paasiniarneqassaaq.
Politiit inunnik ikuallannermi ajoqusertoqarsimasinnaaneranik paasissutissaateqanngillat. Nalunaarutigneqarporli uninngasut napparsimmavimmilu sulisut isumannanngitsut.
Ikuallanneq qanoq ajoqusiitiginersoq suli paasinarsinngilaq, saliinissarlu maanna tullinnguuppoq. Innaallagiaq qanittukkut ikeqqinneqassasoq, politiit aamma oqaatigaat.