Aasianni annertuumik ikuallattoqarpoq
Aasianni maannakkorpiaq ikuallattoqarpoq, politiillu ikuallattup kitaatungaani najugaqartut qinnuigaat matut igalaallu matoqqateqqullugit.
![](/sites/default/files/styles/image_934x467/public/article_images/brandmand_0.jpg?itok=Pu-Gi0qr)
Asseq maanna ikuallattumiiunngilaq.
Allattoq Jonas Løvschall-Wedel, Jens Thorin
Aasianni maanna arfininngornermi unnukkut annertuumik ikuallattoqarpoq. Politikommisær Mads Lynge Christiansen taama ilisimatitsivoq.Tassa Aasianni nakorsiat inaat ikuallappoq.
Pujulioqaaq, illorsuullu kitaatungaani najugallit matut igalaallu matoqqatissagaat inuillu isersimassasut, politiit qinnuiginnipput.
Nigorsimaaritsi
Inuit nigorsimaaqqullugit taavalu qatseriartut politiillu sulinisaannut periarfisseqqullugit politiinit qinnuigineqarput.
Ikuallanneq pillugu annerusumik maanna paasissutissaqannngilaq, politiillu paaseqquaat ikuallannermik maanna ulappullutik.
KNR-imulli paasissutissiipput, inisimasut tamarmik anereersimasut, kisiannilli aamma qatserisartut putsumut isertartut iserlutik suli misissuinngitsut.