VIDEO Ilinniarnertuunngorniarfimmiit Ilimmarfilertussat piumassuseqarluassapput

Ilisimatusarfimmi ilinnialersut affai taamaallaat naammassisarneri iliuuseqarfigineqartariaqarpoq. Taammaammat ilinniartunut piumasaqaatit 2017-imi sukaterneqassapput.

Tallimanngormat allagartartaartut 39-it Nuummi persuarsiutigineqarput. Kisianni aallartittut affai aallarteqqammerlutik unissimanngitsuuppata amerlanerusinnaagaluarput.

Nita Jul Larsen uniinnartut akornaniippoq. Ilisimatusarfimmi ilinniarneq Ilinniarnertuunngorniarfimmi ilinniarnertut innissaa naatsorsuutigisimagaluarpaa.

- Taamaammat uannut ajornanngitsuararsuusimavoq eqqarsassalluni ullumi ilinniakkerinngikkaluarama akunnerilluuniit marluk inortuilaaruma ajornavianngitsoq.

- Kisianni paasinarsisarpoq, nalunaaqquttap akunneraluunniit ataaseq peqanngilaaraani annaassaqangaatsiarfiusinnaasoq, Nita Jul Larsen KNR-imut oqarpoq. 

Aamma atuaruk Tine Pars: Ilinniartut piginnaasakippallaarput

Aallaqqaataaniit piumassuseqarnissaq

Ilisimatusarfimmi ilinnialerniaraanni piumasaqaatit 2017-imi sakkortunerulissapput, ilinniartut ilimmarfimmi aallartinnginnermini tunniussimallutik sukataarniassammata, Ilisimatusarfimmi rektor, Tine Pars oqarpoq.

Ilisimatusarfimmi ilinnialertussat oqaatsit tungaatigut ilinniakkaminnut ingerlaqqinnginnerminni ineriartortariaqarput. Piumasaqaatit sukaterneqarneri ilinniartunut ajunngitsumik sunniuteqarnissai rektorip neriuutigaa. 

Aamma atuaruk Ilisimatusarfiup ilinniarnermut piumasaqaatit sukaterpaat​

Inuiaqatigiit tamarmik akisussaaqataassapput

Katataasoqartuassasoq Ilisimatusartut Kattuffiata, ILI ILI-p, uppernarsarpaat – piumasaqaatillu sukaterneqareerpata aamma katataasoqartassasoq oqarlutik.

ILI ILI-ip siulittaasua Vivi Vold taamaammat isumaqarpoq, inatsimmi sukaterinnginnermi innuttaasut aallaavigineqartariaqartut.

- Piumasaqaatit inuiaqatigiit iluanni taakku uagut aallaaviugutta, soorunami aamma akisussaaffimmik tigusinerussaagut, Vivi Vold oqarpoq.

Ilisimatusartunut piumasaqaataatit qaffasissorujussuupput, ilinniartut eqqumaffigissagaat, Nita Jul Larsen isumaqarpoq. 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl