Inuit marluk benzinamut tankimut siorasaanik kuisisimasutut unnerluutigineqartut

Politiit Qinngorpumi talittarfimmi umiatsiat ilaannut tillinniartoqarsinnaanera pillugu ataasinngornermi ullaap tungaani ornigupput.

Tamannali tillinniarnerunani allarluinnaasoq paasinarsivoq.

Politiimmi pinerluuteqartut marluk Qinngorpumi pisiniarfimmit sioraasanik tillessimasut paasivaat.

- Tillinnermi kingorna umiatsianukarlutik umiatsiap benzinamut tankianut kuisisimapput, Kalaallit Nunaanni Politiit pigaartuisa pisortaat, Aputsiaq Hansen oqarpoq.

Sioraasanik tillinniat tamatuma kingorna toqqorput.

- Pinerluuteqartut talittarfiup eqqaani toqqorsimasut politiit qimmiannit kingorna nassaarineqarput.

Qimmit sortarpiaani nassaarisimaneraat, pigaartut pisortaata nassuiaatiginngilaa.

Inuit marluk maannamut tigusarineqarput, politiillu suliaq sukumiinerusumik misissuiffigileruttorpaat. Inuit marluk aserorterisimasutut ilaatigut pasineqarput.

Benziinamut tankip sioraasaqarnera motorimut ajoqutaasinnaavoq, ajornerpaamillu pisoqarnerani motori aserorsinnaalluni.