Ilinniarfissuarmi ilinnialertussat marloriaammik amerlanerusut
Ilisimatusarfimmi rektori naapertorlugu pikkorissartitsinermik suliniuteqarneq ilinniartitsisussallu nutaat pingaassusaasa sammineqarnerat pissutaapput.
Ilinniartitsisunngorniartussat 57-it Ilinniarfissuarmi septembarip pingajuanni aallartissapput. Aallartittussat ukiup siulianut sanilliullugit marloriaatingajaapput.
Tamannalu ilinniarnertuunngorniarfiit Ilisimatusarfiullu suleqatigiinnerannik peqquteqartoq, Ilisimatusarfiup rektoria, Gitte Adler Reimer oqarpoq.
AAMMA ATUARUK Ilinniarfissuaq EVA-p naliliinerani angusinngitsoortoq
- Ilinniarfissuarmi ilinniarnertuunngorniarfiit suleqatigalugit ukioq manna immikkut suliniuteqarpugut, qinnuteqartut arlaatigut pikkorissagassaassappata, pikkorissaanertalimmik ikiorneqarsimapput, taamaasillutik Ilinniarfissuarmik aallartisinaanerannut periarfisillugit.
Ilinniarfissuarmi ilinnialertussatut 2016-ip siorna akuerineqartartut aamma amerlasarnikuupput. Ilinniarfilli Danmarks Evalueringsinstitutimiit tassa naliliisarfimmiit ukioq taanna isornartorsiorneqangaatsiarpoq.
Tamannalu qinnuteqartartut amerlassusaannut appartitsingaatsiarpoq.
Tamannali maanna illuanut saaqqissimarpasittoq, Gitte Adler Reimer oqarpoq.
AAMMA ATUARUK Chokeret rektor udskifter leder af læreruddannelsen
- Ilinniakkap iluani nutarterinerit taavalu inuiaqatigiinni pisariaqartitsinermik oqalunnerit ilinnuatsitsisunngorniarnissamik soqutiginninnermik qaffakkiartuaartitseqqilersimapput.
Ilisimatusarfimmi ilinniakkat allat qinnuteqarfiginissaat aggustip 31-anut killeqarpoq.
AAMMA ATUARUK Inuusuttut nunatsinni ilinniarusuttut
