Assi: Helle Nørregaard

Demokraatit: Ilanngaassivik akiligassanittartunuinnaq atuutissaaq

Innuttaasut nunap karsianut akiitsoqanngitsut pinngitsaalillugit aaqqissuussinermut ilanngutsinneqassanngillat. Tassani akissarsinnginnermi pisortanut akiligassat ingerlaannaq ilanngaatigineqartassapput, sinneri nammineq kontomut ikineqannginerini.

Demokratit siulittaasuat taama oqarpoq. Taamaattumik taanna isumaqarpoq Ilanngaaserivik taamaallaat akiligassanittartunut sammitinneqartariaqartoq.

- Akiligassanik nammineq isumaginnittaraanni, takusinnaanngilara sooq pisortat aningaasaqarnernut akulerutissanersut, Randi Vestergaard Evaldsen oqarpoq.

Innuttaasut pisortanut akiitsuisa maanna 1 milliardit pallilerpaat.

Taamaattumik Ilanngaaseriviup pilersinneqarnissaa tapersersorpaa tassuunami ineqarnermut, innaallagissamut, kiassarnermut imermut paaqqinnittarfinnullu innuttaasut pisortanut akiligassaat isumannaarneqartassapput.

AAMMA ATUARUK Din løn skal indbetales i offentligt system

Taannalu innuttaasunut taamaallaat akiligassalinnut sammisuusariqarpoq.

- Taakkuupput akiliisinnissaannut ikiugassagut. Nammineersinnaasut pinnagit. Taamaaliorneq kukkuneruvoq, inuttummi kiffaanngissusiiagaassapput.

Randi Vestergaard Evaldsenip nammineq Ilanngaaserivik ukiup ataatsip matuma siorna saqqummiuppaa.

Taanna taamanikkut  aningaasaqarnermut naalakkersuisuuvoq, tassungalu atatillugu oqaaseqarluni inuit akissarsiamik tigunnginnerini aaqqiisoqarsimanissaata pingaaruteqassusaa pillugu.

- Naapertuilluanngikkaluarpoq pisariaqarporli. Ileqqorisanik allannguisitsissaaq imminnullu pilersorsinnaalernissaq pisariaqarpoq. Pisortaniit taamatut malittarisassiorneq uggornarlunilu ajuusaarnaraluarpoq, ajoraluartumilli pisariaqarpoq, Evaldsen oqarpoq nangillunilu:

- Pinaveersaartsillugillu iliuuseqarfigisassavut tassaapput pisariaqartitsisut, anguniarlugu siunissami namminneq akiliisalernissaat.

AAMMA ATUARUK Naalakkersuisut Ilanngaassivik pilersippaat

Randi Vestergaard Evaldsen naapertorlugu Demokratit siunnersuut tamanut atuutissappat akuersissanerlutik suli aalajaginngillat.

AAMMA ATUARUK Ilanngaassivik iluaqutaanavianngilaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat