ICC-mi inuusuttut pingaaruteqartorujussuupput
Issittumi inuusuttut akornanni soqutigisanik assigiittorpassuaqarpoq. Issittumilu tamarmi naalakkersuinermi aqutsinermilu pisortatut atorfiit inuusuttunit siunissami inuttaqarsinnaalerniassammata, ilinniarnissamut periarfissanik pitsaanerusunik pisariaqartitsisoqarpoq.
Tassanilu pineqarpoq, ilinniarfiit nunap inoqqaavisa ilisimasaannik ilanngussisut.
AAMMA ATUARUK Hans-Pavia Rosing ICC-ip ataatsimeersuarnera ammarneqarpat eqqaaniarneqassaaq
AAMMA ATUARUK Pikialasorsuaq pillugu isumalioqatigiissitaq ICC-mut pingaaruteqarpoq
Issittup inuusuttaasa akornanni ikioqatigiinnissamut periarfissaqarneruniassammat, taamaalillunilu ataatsimoorussamik anguniakkanik naammassinnittoqarsinnaaneruniassammat, Issittup kangianit kitaanut angallannermi pitsaanerusunik periarfissaqarnissaq Issittumi inuusuttut ataatsimoorussamik soqutigisaraat.
Tamannalumi Kalaallit Canadamiullu tungaanniit iliuuseqarfiginiarneqalerpasippoq.
Aammami inuusuttut, ICC-p ataatsimeersuarneranut aallartitat, nunanut tamalaanut suleqateqarnerunissamik pisariaqartisoqarnera pillugu isumaqatigiipput.
Inuit nunat tamalaat atorfeqarfiini, soorlu Naalagaaffiit Peqatigiinni, sunniuteqarnerusinnaanissaat qulakkeerneqarniassammat, naggueqatigiit inuusuttaat nunani tamalaani atorfeqarfinni peqataanerulersinneqartariaqartut, Canadami Cambridge Bayimeersoq, Global Indigenous Youth Caucusimilu aqutsisuniissimasoq, Sarah Jancke KNR radioaviisimut oqarpoq.
AAMMA ATUARUK ICC-ip Issittoq eqqisseqatigiiffissatut siunnersuutigaa
AAMMA ATUARUK Inuusuttut ingerlatitseqqinnissaminnut piareersimasut
ICC-p ataatsimeersuarnera ullumi nalunaaqutaq pingasunut tanneq qulingiluat KNR2-mit toqqaannartumik aallakaatinneqassaaq.
Angutit erinarsoqatigiit Qissiat qilaatersortartorlu Leif immanuelseni ilaatigut takutitsissallutik.
Ullullu ingerlanerani ICC-p siulersuisuini kikkut ilaasortaalissanersut aamma qinersissutigineqassalluni.