Ilulissat ICC-ip Issittoq eqqisseqatigiiffissatut siunnersuutigaa
Nuka Kleemannip oqalugiarnermini ICC-ip ”Ilulissani Nalunaarut” imaannaanngitsutut isigineqartariaqartoq minnerunngitsumillu naalagaaffiit Rusland USA-lu isumaqatigiissummut maajip 28-at 2008-mi atseqataasut suleqatigiinnermik Issittumilu eqqissisimatitsinermik takutitseqataasinnaanissaat takutikkaat erseqqissaatigaa, nangillunilu:
- Issittumi akerleriittoqarani ataatsimut akerleriissutaasinnaasut peernissaat anguniarlugu isumaqatigiinniartarnissamik imminnut pisussaaffilernerat nersortariaqarpoq, Nuka Kleemann oqalugiarnermini ilanngullugu oqarpoq.
- Issittup eqqissinissamik siunertaqarluni taamaallaat atorneqarnissaa qangali ICC-p anguniagaraa, taamaattumik Nunarsuup assingani “Issittoq Eqqisseqatigiiffiusoq” naqissuserlugu ataatsimullu suleqatigiissutigalugu anguniassagipput aamma oqaatigaarput, tamannalu Issitumi Siunnersuisooqatigiit aamma Naalagaaffiit Issittumi Imartallit peqatigalugit nunarsuarmioqatigiinnit akueritinnissaa anguniartariaqartoq, ICC Kalaallit Nunaata siulittaasua, Hjalmar Dahl oqarpoq.
