ICC-ip ataatsimeersuarnera Pikialasorsuaq pillugu isumalioqatigiissitaq ICC-mut pingaaruteqarpoq
- Suleqataaffiginikuusara tanngassimaarutigeqisaralu tassaavoq Pikialasorsuarmut isumalioqatigiissitaliornerput, Okalik Eegeesiak oqarpoq.
Pikialasorsuup nunap inoqqaavinit oqartussaaffigineqarluni akisussaaffigineqarnissaa siunertaralugu Pikialasorsuaq pillugu isumalioqatigiissitaliortoqarpoq.
- Inuit tassani najugallit oqaloqatigaavut. Qanga pisunut isiginneriaasiat, sumi piniartarneri sunillu piniartarneri, siunissamut qanoq takorluuinersut Pikialasorsuullu alaatsinaanneqarnera pillugu ilaatigut oqaloqatigalugit, Okalik Eegeesiak oqarpoq.
Pikialasorsuaq Smith Sundip Nunattalu avannaarsuata Canadallu akornanni imartaavoq. Pikialasorsuaq Issittumi imarnersat annersaraat Issittullu immikkoortuini uumassusillit pinngorarfiisa annersaannut ilaalluni.
Sulinerlu suli ingerlasoq ICC præsidentia Okalik Eegeeniak oqarpoq.
- Naalagaaffiit kattuffiillu anginerit peqataatilernissaat maanna tullinnguuppoq, Okalik Eegeesiak oqarpoq.
