Grækenlandimi nunap ikuallannera suli siaruaakkiartorpoq

Grækenlandip kujataani orpippassuaqarfinni assigiinngitsuni 200-ni ulluni aggersuni innerup siaruaakkiartornerata sakkukilliartornissaa ilimagineeruppoq, silasiortut ilimasaarimmata ulluni aggersuni kiannerulerluni 35-t angusalissagai. Grækenlandip kujataaniunerusoq sumiiffinni 200-nik ikinnerunngitsuni inneq sakkortuumik siaruaakkiartormat akunnerit kingulliit 24-t ingerlanerinnaani illut illorsuillu 89-t innermik ulinneqarput. Maannamut ikinnerpaamik 61-t ajunaarsimasut amerlanersaat Grækenlandip kujataani nunap immikkoortortaani Zacharomi nassaarineqarput. Sakkutuut qatserisartullu katillugit 1600-t missaaniittut timmisartunik 20-nik helikopterinillu 19-nik ikiorteqarlutik qatseriniarsaripput.

Sumiifinni arlalinni ikuallatsitsisoqarsimanissaa paasitsaanneqaqqammat Grækenlandimi pisortat paasissutissiisinnaasut 7,5 millioner koruuninik akissarsititsiumaartut neriorsuutigaat.