Futsalimi arsartartut pissartanngorniunnermi ujaminnareerlutik borgmesterimit nalliuttorsiutigineqartut
Niviarsiaqqat U18-ini unammisartut tallimat Kommune Kujallermit Futsalimi nunatsinni pissartanngorniuteqataasut bronzemik ujameqarlutik angerlaqqipput.
Maluginngitsoorneqanngillallu. Angusaammi pissutigalugit borgmesterimit ataatsimoornissamut qaaqquneqarput.
- Tulluusimaarutigingaarpara ilissiugassi futsalimi niviarsiaqqani siullerpaallusi K-1933 sinnerlugu ujamminik angerlaassisut. Nivissat, naak ilaat ukiukitsunnguugaluarlutik, piginnaasaqarlualereersut unammersuarnermi maluginiarneqarluarput, borgmesteri, Stine Egede (IA) oqarpoq.
Niviarsiaqqat ujaminnannermi saniatigut niviarsiaqqanit arlallit immikkut maluginiarneqarput, tassa ukiup målmandiatut, akiuulluarnerpaatut aamma arsalerillammattut toqqaasoqarpoq. Ataaserlu ukiup iligiivinut toqqarneqarluni.
Bronzennannerat qanorpiaq borgmesteri peqatigalugu nalliuttorsiutigineqarnersoq ilisimanngilarput, Stine Egedelli futsalimi angusat tulluusimaarutigilluinnarlugit isertuutinngilaa.
