Canada: Eqqaassutissaq saammaateqatigiissitsissasoq
Ilumoortussaq Saammaateqatigiinnissarlu pillugit isumalioqatigiissitap Canadami kostskolini inuit, indianerit métisillu meerartaasa atornerlugaasarsimanerat pillugu nalunaarusiaminik ukiut marluk matuma siorna saqqummersitsinerata kingorna saammaateqatigiinnissaq ujartorneqarsimavoq, taamaaliornissamullu periarfissat assigiinngitsorpassuupput.
Vancouverimi Haida-indianerit meeqqat atornerlugaasimasut aniguisimasullu eqqaaniarlugit totempæli portusuupilussuaq sapaatit-akunneranni uani napparpaat.
Orpimmik cederimik ukiunik 800-nik pisoqaassusilimmik totempæliliaq Haidat høvdingiata James Hartip qiperugaraa. Eqqaassutissaliaalu meeqqanik assigiinngitsunik aammalu kostskolinik ajorineqaqisunik assiliartalersugaavoq.
Haidakkormiut totempælimik nappaammata aniguisimasut najuuttullu allat kikissat kanngussat saammaateqatigiinnissamut takussutissatut eqqaassutissamut kaattarpaat.