Tunisinermi siuariarneq oqimaaqatigiisitsivoq

Tunisat pisiallu oqimaaqatigiinnerat pitsanngoriartuinnartut, Naatsorsueqqissaartarfiup kisitsisaataanni kingullerni tamanna takuneqarsinnaavoq.
Assi © : Håkan Dahlström/Flickr Creative Commons
Allattoq Kenneth Elkjær
oktobarip 12-at 2018 15:26
Nutserisoq Jaaku Lyberth

Tamatumunnga pissutaavoq,  Kalaallit Nunaannit avammut tunisat ukiup affaani siullermi 25 procentinik qaffariarmata, ukiup siuliani taamaalineranut sanilliullugu.

Ingammik raajat qalerallillu avammut tunisaalluarnerat pissutaavoq.

AAMMA ATUARUK Tunisat pisiallu oqimaaqatigiinnerat ukiup ataatsip ingerlanerani 158 millioninik pitsanngoriaateqartoq

Kisianni nioqqutissanik Kalaallit Nunaannut eqquissuineq avammut tunisaqarnermit amerlanerupput.

Taamaalilluni tunisat pisiallu oqimaaqatigiinnerannut ukiup affaani siullermi 2018-mi amigartoorutit 276 millionit koruuniullutik.

Siorna amigartoorutigineqartut marloriaammik amerlanerupput, taamaattumik  tunisat pisiallu oqimaaqatigiinnerannut nutaarsiassatsialaavoq naak suli amigartooruteqarfiugaluartoq.

AAMMA ATUARUK Naak pitsanngoriaateqaraluartoq nunatta pisiai tunisaanit 800 mio. kr.-inik amigartooruteqarfiupput

AAMMA ATUARUK Nunatsinni tunisat pisiallu oqimaaqatigiinneranni amigartoorutit ikileriarput

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq