Tunisat pisiallu oqimaaqatigiinnerat ukiup ataatsip ingerlanerani 158 millioninik pitsanngoriaateqartoq

2018-imi qaammatit pingasut siulliit avammut tunisaqarneq ukiumut kingullermut sanilliullugu annertuserujussuarsimasoq naatsorsueqqissaartarfimmiit kisitsisit takutippaat.  
Allattoq Kenneth Elkjær
juunip 15-at 2018 13:23
Nutserisoq Connie Fontain

Avammut tunisat niuernikkut eqqussaniit amerlanerunerat annertuserujussuarneranut peqqutaavoq. Imaappoq niuernikkut sinneqartooruteqartoqarpoq.

Qaammatit siulliit pingasut 690 millionit koruunit nalinganut avammut tunisassiortoqarsimavoq. Ukiumi pingajoraarterummi siullermi tunisassiorneq ukiorpassuarni aatsaat taamak qaffasitsigaaq.

2018-milu qaammatini siullerni pingasuni niuvernikkut eqqussat 673 millionit koruunimik naleqarsimapput. Ukiunilu pingasuni aatsaat taama annikitsigaaq.

Niuernikkut eqqussanit 17 millionit koruuninik annertunerusumik tunissassiortoqarsimavoq. Siorna taamaalinerani 140 millionit koruuninik amigartooruteqartoqarpoq.

Niuernikkut oqimaalutaq ukiup ataatsip ingerlanerani 158 millionit koruuninik iluaallassimavoq.

Nunatta Naatsorsueqqissaartarfia naapertorlugu ukioq manna qaleralinnik tunisassiornerup qaffariarsimanera siuariarnermut peqqutaaqataavoq.
 

Aamma atuaruk