Doris Jakobsen: Aatsitassanik piiaaneq ataatsimoorluta soqutigisaqarfigaarput
- Kalaallit Nunaanni aatsitassat pillugit apeqquteqaatit oqallinnerillu amerlasoorpassuit Folketingimi piffissami sivisuumi ingerlanneqartarsimapput. Angusaqarfiujuaannarsimanngillat aammalu Namminersorneq pillugu inatsisip ataqqineqarnissa tamatigut takuneqarsinnaasarsimanani. Taamaammat aamma oqallinneq ilaanneeriarluni sakkortusinnaasarsimavoq. Derfor er denne nye tilgang fra Dansk Folkeparti og de Konservative meget velkommen, forklarer Doris Jakobsen.
Doris Jakobsenip naapertorlugu Danmarkip Kalaallit Nunaanni aatsitassanik piiaanermut tunngatillugu iluaqutaasussamik tigussaasumillu peqataaffigisinnaasaanik peqareerpoq. Tassalu nunat tamat akornanni pitsaanerpaamik siunnersorneqarnissamut tapiissutit.
- Nordsømi uuliasiornissamik isumaqatigiissut 1980-ikkunni isumaqatiginninniutigeqqinneqarmat nunat tamat akornanni pitsaanerpaamik siunnersorteqarsinnaaneq Danmarkimit atorluarneqarsimavoq. Danmarkip nunap iluani pisuussutimi annerpaamik pissarsiaqarfiginissaannut tamanna qulakkeerivoq. Maanna uagut nunap iluani pisuussutitsinnik atorluaasussanngorpugut, tassungalu atatillugu nunat tamat akornanni pitsaanerpaamik siunnersorneqarnissarput pisariaqartillutigu. Piffissaq qaninnerusoq eqqarsaatigalugu akisusinnaavoq, piffissaq ungasinnerusoq eqqarsaatigalugu akilersinnaalluni, taamaaliornikkummi isertitassatta sapinngisamik amerlanerpaajunnissaat minnerunngitsumillu inuiaqatigiinnut kalaallinut kingunerlunnginnissaa qulakkiissagatsigu, Doris Jakobsen isumaqarpoq.
Namminersorneq pillugu isumaqatigiissut malillugu Danmarkip aatsitassarsiutileqatigiiffiit akileraarutaannit isertitat affaat pissarsiarisussaavai. Taamaammat aamma Naalakkersuisut pitsaanerpaamik siunnersorneqarnissaat Danmarkip soqutigisaqarfigaa. Danmark Kalaallit Nunaannik ikiuinermigut aamma imminut ikiussaaq.
- Nunat tamat akornanni siunnersorteqarneq millionerpassuarnik akeqarsinnaavoq - aatsitassarsiornermit isertitsisoqannginnerani. Taamaammat Kalaallit Nunaata kisimiilluni akiliinissaminut akissaqanngilaq. Taamaammat Danmarkip tamatumani ikiuunnissaa pissusissamisoorsoraara. Danmarkimi taamaaliornikkut uagut ikiuinnarnata aamma imminut ikiussaaq, Doris Jakobsen oqarpoq.
