Danmarkimi coronavirusimik toqquteqartut maanna 187-iusut
Danskit coronavirusimik tunillatsissimallutik toqusut suli amerliartorput, taamaakkaluartorli napparsimmavimmut unitsinneqartut ullut tallimassaannik ikipput.
Danmarkimi coronamik tunillatsissimallutik toqusut maanna 187-iusut ataasinngornermi ullaakkut arfineq-pingasunut naatsorsorneqarpoq.
Taakkulu sapaammi naatsorsuinermit arfineq-pingasunik amerlanerupput. Statens Serum Institut taama paasissutissiivoq.
Naak toqusut 139-t coronamik tunillatsissimallutik toqugaluartut virusi toqqutaasutut pissutaasariaqanngilaq.
Taakkumi coronavirusimik tunillatsinnerminnit ullut 30-t iluanni toqugunik coronavirusimik toqquteqartunik naatsorsuinermut ilaatinneqartarput. Toqusut amerlasuut allanik ilungersunartunik aamma napparsimassuteqareertarput.
AAMMA ATUARUK Coronaqarnerani ikiorsiinerit: Aningaasaateqarfik Danmarkimi ilaqutarsianut tapersiissuteqartoq
Sapaatini-akunnerni kingullerni toqusut amerliartorneranni napparsimmavimmut unitsinneqartut ikiartorput, taakkulu sisamanngormalli ikiartuinnavillutik.
Danmarkimi napparsimmavinnut unitsinneqarsimasut ataasinngornermi 503-upput. Unitsinneqarsimasunit 139-t peruluttut uninngavianniipput. Taakkulu sapaammi naatsorsuinermit tallimanik ikinnerullutik.
Peruluttut uninngavianniittunit 108-t anersaartuuteqartinneqarput, sapaammilu naatsorsuinermit ataatsimik amerlanerullutik.
Peqqinnissamut oqartussat napparsimmaveqarfinni ajalusoortoqarnissaata pinaveersaartinniarnera pissutigalugu unitsinneqartut amerlassusaat qanimut malinnaavigineruaat.
Danmarkimi coronamik tuniluuttoqarnerata nalaani inuit 1322-t napparsimmavimmi uninngasimamapput taakkunanngalu 600-it missaanniittut aaqqillutik angerlartinneqaqqissimapput.
Toqusunit 187-init 161-it 70-ileereersimapput arfiniliinnaallu 60-it ataallugit ukioqarlutik.
AAMMA ATUARUK Peqqissaasoq coronavirus pillugu: Tupannartorujussuuvoq
Toqusut 84 procentii ukiuni kingullerni tallimani ilungersunartumik napparsimanertik assersuutigalugu sukkorneq, kræfterneq, puakkut nappaatigiuagaqarneq aakkullu nappaaneqarneq pissutigalugu napparsimmavimmi uninnganikuupput.
Coronavirusimik tunillatsissimanermi kingorna toqusuni angutit amerlanerpaapput, tassalu toqusunit 123-t angutaapput 64-illu arnaallutik.
/ritzau/