CO2-mik aniatitsineq annikillisaaviginiassallugu ajornakusuussanerarpaat

Taanna Danmarkip avatangiisinut ministeria Connie Hedegaard peqatigalugu sermersuarmeeqqammerpoq, ilisimatuut silap pissusaa pillugu paasissutissanik katersuiniarlutik sermersuarmi qillerileruttornerat alakkaramikku. Kalaallit Nunaata silap pissusaanut tunngatillugu politikkissaa ataatsimiinnermi ilaatigut sammineqartoq, Kim Kielsenip oqaatigaa:

- Erngup nukinganik atuinerunikkut CO2-mik aniatitsineq sapinngisamik annikinnerutinneqarsinnaavoq. Silap pissusaa pillugu Københavnimi aappaagu ataatsimeersuartoqartussaavoq. Kalaallit Nunaat immikkut ittumik saqqummiunniarparput. Silap allanngoriartornera Kalaallit Nunaannut qanoq sunniuteqarnersoq saqqummiunniarparput, tungaanullu paasissutissanik katersisoqassaaq. piareersaasoqassallunilu. Suleqatigiissitaliaq ataqatigiissaarisussaq pilersinneqassaaq, tungaanullu taakku piareersaasussaapput, Avatangiisinut naalakkersuisoq Kim Kielsen oqarpoq.