Borgmesteriusimasoq: Kangilinnguit qimaasunut piukkunnarluartuupput
Dansk Folkepartiimi nunarput pillugu oqaaseqartartup Søren Espersenip pingasunngormat siunnersuutigaa siornatigut sakkutooqarfiusimasup Kangilinnguit naalagaaffiup qimaasunut qitiusumik ingerlatsivissaatut pilersinneqarnissaa.
Aamma atuaruk DF-ip Kangilinnguit qimaasunut atorusukkaa
Politikerip erseqqissarpaa Kangilinnguit piukkunnarluartuusut inunnut 300-nut inissaqarami, nakorsiartarfeqarluni atuarfeqarluni nerisarfissuaqarluni paarilluakkanillu illoqarluni.
Aamma atuaruk Danmark qimaasunik 1000-inik tigusilersoq
Kangilinnguit Ivittuut Kommunerisimasaanniippoq, tassanilu borgmesteriusimasoq Henrik Skolemose oqarpoq, Kangilinnguit qimaasunut piukkunnarluartuusut.
- Isumaqarpunga piukkunnarluartuusoq. Assigiinngitsunik angissusilinnik ilaqutariinnut inissaqarpoq, atuarfeqarluni, meeqqeriveqarluni, niuertarfeqarluni, napparsimmaveqarluni, kigutileriffeqarluni, cafeteriaqarluni, igaffissuaqarluni, timersortarfeqarluni, curlingertarfeqarluni allanillu peqarluni Henrik Skolemose DR Sjællandimut oqarpoq.
Nunaqqatigiit allanit ungusimasut
Aperineqaramilu Kangilinnguit nunaqarfillu sanilerisaa Arsuk inoqarfinnit allanit avinngarusimavallaannginnersut borgmesteriusimasoq akivoq:
- Nunaqqatigiit allanit ungusimasunngussapput Kalaallit Nunaanniittut tamarmik Nuummi najugaqarusupput, soorlu Danmarkimi amerlanerit Københavnimi najugaqarusuttut, taamaalilluni inissaaleqisoqalersarpoq. Unali aaqqiigallarnerussasoq eqqoriarpara, tamatumunngalu naleqquteqaaq.
- Isumaqarpunga nuanninngitsunik misigisaqarsimasunut nunatsialassuusoq eqqissinartoq, Ivittuut Kommunerisimasaanni borgmesteriusimasoq Henrik Skolemose Kangilinnguit pillugit taama oqarpoq.
Aamma atuaruk Holst: Kangilinnguit oqaluuserineqarnikuupput
Aamma atuaruk VIDEO Kangilinnguit pillugit Aleqa isornartorsiorneqarpoq
Aamma atuaruk Kangilinnguit isatertussanngoraat
