DF-ip Kangilinnguit qimaasunut atorusukkaa
Dansk Folkepartiimmi nunarput pillugu oqaaseqartartuata siunnersuutigaa sakkutooqarfiusimasoq Kangilinnguit naalagaaffiup qimaasunut inissaqartitsivigissagaa. Taama allattoq tassaavoq altinget.dk.
- Nunaatit illuutillu naalagaaffimmit pigineqartut misissuiffigaavut, isumarput malillugu qjmaasunut tikerartunut najugaqarfissatut piukkunnarsinnaasut.
- Taanna assorsuaq piukkunnarpoq, ukiummi aappaa affaq matuma siorna qimanneqarput ajoquteqanngivillutillu, Søren Espersen altinget.dk-mut oqarpoq.
Politikeri taanna erseqqissaavoq Kangilinnguit piukkunnarluartut inunnummi 300-it missaanniittunut inissaqarpoq, napparsimmaveqarpoq, ininik ilinniartitsivissaqarluni, igaffeqarluni paarilluakkanillu illoqarluni.
Aamma atuaruk Sara Olsvig: Nunarput qimaasunut ikiuerusussusermik takutitsissariaqarpoq
Lars Løkkemut apeqquteqaateqartoq
Søren Espersenip minsiteriuneq Lars Løkke Rasmussen Folketingimi paragraf 20 naapertorlugu apeqquteqarfigisimavaa.
- Ministeriuneq pilersaaruteqarpa Kalaallit Nunaanni naalakkersuisut siulittaasuat peqatigalugu sakkutooqarfiusimasoq Kangilinnguit Kujataani Arsuup kangerluaniittoq qimaanunut najugaqarfiliariniarlugu, Søren Espersen aperivoq.
Nunatsinneersut arlallit Kangilinnguit qimaasunut, takornarianut allanulluunniit piukkussinnaallugit oqaaseqarsimapput. Taamaalilluni folketingimut ilaasortaq Aleqa Hammond aamma sanaartugassanik ilusilersuisartoq Peter Barfoed tunngavilersuisimapput illut ataannaqqullugit atorlugillu.
Sakkutooqarfiusimasoq piiagassanngorsimavoq, igutserisinnaasunillu suliarinnittussarsiuunneqarluni. Taamaaliornissaq 300 millioner koruunit missaanni akeqassangatinneqarpoq.
Aamma atuaruk VIDEO Kangilinnguit pillugit Aleqa isornartorsiorneqarpoq
Aamma atuaruk Kangilinnguit isatertussanngoraat
Aamma atuaruk Schweizimiut Kangilinnguani nunalerinermik ilinniarfiliulersaartut
Aamma atuaruk Kangilinnguani sakkutooqarfiusimasoq pisortatigoortumik matuneqarpoq