Danmark qimaasunik 1000-inik tigusilersoq
Nunanut allamiunut nunasisunullu ministeri Inger Støjberg nalunaaquttap akunnerisa arlaqanngitsut matuma siornagut tusagassiortunik katersortitsinermi taama ilisimatitsivoq.
EU-Kommissionip siulittaasuata Jean-Claude Junckerip nunat EU-mut ilaasortat qimaasut 160.000-it agguataarnissaannik qinnuigimmagit, ministerip taassuma ataasinngormat Bruxelles-imut ataatsimiigiarnerminut atatillugu oqaatigigaluarpaa, Danmark taakkua ilaannik tigusaqassanngitsoq.
AAMMA ATUARUK DF-ip Kangilinnguit qimaasunut atorusukkaa
Qimaasunik akuersinissap nammineq piumassutsimik tunngaveqarnera aammalu qimaasut EU-kkoortumik agguataarneqarnisaaanut Danmarkip peqataanissaanik pilersaaruteqartoqannginnera Støjbergip Løkkellu naqissuserpaat.
- Danmarkip qimaasunik agguataarnissamut peqataannginnissaa amerlanerussuteqartunit isumaqatigiissutigineqarpoq. ministeriuneq taama oqarpoq.
Lars Løkke Rasmussenip EU-p ppræsidenti Donald Tusk aamma EU-Kommissionip siulittaasua Jean-Claude Juncker ullumi sisamanngornermi ataatsimeeqatigissavai, Sorsunnersuup Aappaata kingorna Europami qimaasunut tunngatillugu ilungersunartorsiornerit annersaata qanoq iliuuseqarfigineqarnissaa oqaluuserineqassalluni.
/ritzau/