Biologit innersuussutaat sipporneqassanngillat
Taama qisuariarpoq Aalisarnermut Naalakkersuisoq Karl-Kristian Kruse Pinngortitaleriffiup aappaagumut raajartassanik innersuussinerata kingorna.
Taamaalilluni aappaagumut raajartassat ukiormannamut pisassiissutigineqartunit 73.000 tonsinit amerlanerusinnaapput.
- Qularutiginngilara 73.000 tonsinik pisassiisimanerput massakkut annertunerusunik tunngavissaqarluta qummut qaffaanissarput avaqqunneqarsinnaassanngitsoq, Aalisarnermut Naalakkersuisoq Karl-Kristian Kruse oqarpoq.
Taassuma nuannaarutigaa, ukiup tulliani raajartassat 90.000 tonsiunissaannik biologit innersuussinerat tassalu ukiormannamut pisassiissutigineqartunit amerlanerullutik.
Aamma atuaruk Raajat 90.000 tonsit 2016-imi aalisarneqassasut inassutaavoq
Aalisarnermut Naalakkersuisup erseqissaatigaa, biologit innersuussutigissaannit sippuisoqannginnissaq Naalakkersuisut kissasatigimmassuk,
- Paasisat tutsuigalugit ingerlaarfiginissaat pisariaqarallassaasoq, taakkua sippornaveersaarnissaat ilaatigut pissutigalugu 2014-ip naanernerani 2015-mut pisassat apparneqarnissaannik atuisunit kissaatigineqarmata taamanilu pisassat apparneqarlutik taamaattumik 90.000 tonsit sipporlugit pisassiissoqarnissaa naatsorsuutiginngilara tassa mianersortumik kisianni iluatigineqarsinnaasumik qaffaallaanissarput pisussaassaaq, Karl Kristian Kruse oqarpoq.
Aamma atuaruk GE raajartassiissuteqarnissamut mianersoqqussuteqarpoq
Naatsorsuutigisamit amerlanerupput
Aningaasanut inatsimmi 2016-mut atuuttussami raajanit akitsuutinit 130 million kr-nik isertitsissuteqarnissaq Naalakkersuisunit missiliuunneqarpoq.
Missingersuusiornermi raajartassat ikinnerusut naatsorsorneqasimallutik
Isertitsissutigineqarsinnaasut amerlanerujussuusinnaasut Karl-Kristian Kruse oqarpoq.
- Tassa aningaasanut inatsimmi siunnersuummi 66.500 tonsit aallaavigalugit missingersuusiortoqarpoq tassalu 130 million kr-nit isertitsissutigineqarnissaat missiliuunneqarput, taakkunanngalu amerlanerusut isertitsisutigineqarnissaat qularnaappoq, Aalisarnermut Naalakkersuisoq oqarpoq.
Aamma atuaruk Raajartassat amerlanerunissaat KNAPK-mit kissaatigineqarpoq
Raajat amerlanerusut pisarineqarsinnaanerat raajat akiinut sunniuteqarnissaa qanoq kinguneqassanersoq suli qulakkeerneqanngikkaluartoq Karl-Kristian Kruse isumalluarpoq
- Uani MSC piujuartitsinissaq innarlinngikkaluarlugu taama qaffaassinnaanerup malitsigisinnaasai inuiaqatigiinnut ajunngitsumik sunniuteqarnisaa isertorneqarsinnaanngilaq pitsaanerusumik aningaasanik isertitsissutgineqarnisaaanik isikkoqarpoq, Aalisanermut Naalakersuisoq Karl-Kristian Kruse taama oqarpoq.
Aamma atuaruk Raajat akisunerulissapput
