GE raajartassiissuteqarnissamut mianersoqqussuteqarpoq

Ukiormannamut innersuussutigineqartut qaangerlugit raajartassiissutigineqarput, taamaaliortoqaqqissappallu silatusaarnerussanngitsoq GE oqarpoq.

Aalisartut Piniartullu Kattuffiat KNAPK isumaqarpoq, raajartassiissutit 100.000 tonsiusariaqartut.

Biologit innersuussutaat malinneqartariaqartoq GE inassuteqarpoq,  tassalu ukiormannamut biologit innersuussutaanit 23 procentinik qaffasinnerusunik raajartassiisoqarmat.

Akuerisaasummik aalisarneqarsinnaasut tamarmiusut aliangersorneqarneranni  raajartassiissutigineqartut ukiumut annerpaamik 12,5 procentinik qaangerneqarsinnaapput,  tamannalu aalajangiusimaneqartariaqartoq, Brian Buus Pedersen isumaqarpoq, tammannalu piujuartitsinissamut aalisarnermut nalunaaqutsersuineq MSC qulakkeerneqassaaq aamma raajat akiisa qaffasinnerat pillugu.
 

Aamma atuaruk Biologit: Raajaqartuaannassappat siunnersuutit malinneqartariaqarput

- Tamanna takussutissiissussaavoq, Kalaallit Nunaanni piujuartitsinissaq malillugu  tassalu MSC naapertorlugu raajarniartoqarnera.
Mianersorneq  aamma isumatusaarneq akuerisaasummik aalisarneqarsinnaasut aqunneqarneqarneranni pineqarput, tamannalu aalajangiusimaneqartariaqarpoq  raajartassanik innersuussinissatsinnut, Brian Buus Pedersen oqarpoq.

Aamma atuaruk Raajat 90.000 tonsit 2016-imi aalisarneqassasut inassutaavoq

Sulisitsisut Peqatigiiffiat GE, aalisarnermut siunnersuisoqatigiinni sinniisuutitaqarpoq aappaagumullu biologit raajartassanik innersuussutaat GE-mi  oqaluuserineqassaaq.
Akuerisaasumik aalisarneqarsinnaasut aalajangersorneqarnerat malinneqassappat, tamannalu GE naapertorlugu taamaaliortoqartariaqarpoq,  aappaagumut raajartassat 88.000 tonsiunissaannik GE-p innersuussussinissaa ilimagineqarsinnaavoq.

Biologit innersuussutaat 90.000 tonsit qaangerneqartariaqanngitsut biologit oqarput,  qaangerneqarpat nungusaataanngitsumik aalisarnertut  taaneqarsinnaasssanngitsoq Pinngortitaleriffimmi  biologit oqarput.