Raajat 90.000 tonsit 2016-imi aalisarneqassasut inassutaavoq
Aappaagumut raajartassiissutigineqarsinnaasutut siunnersuutigineqarsimasunit ukiormannamut innersuussutigineqartut taamaalilluni 30.000 tonsinik qaffariaateqarput, ukiormannamummi 60.000 tonsit innersuussutigineqarnikuummata.
Naalakkersuisulli ukioq mannamut aalisagartassissutissatut siunnersuutit malinngilaat, Kitaanilu 73.000 tonsinik pisassiillutik.
Pinngortitaleriffimmiillu siorna erseqqissaatigisartik ukioq manna uteqqippaat, tassalu inassutigisatik 90.000 tonst sinnerlugit aalisartoqarnissaa inassutiginanngitsoq.
Pinngortitaleriffimmeersut ukiormanna misissuisarnerisa ersersippaat raajaaqqat siunissami aalisarneqarsinnalerumaartussat takkussuulluartut, taamaattumillu peqassutsip ukiuni aggersuni qaffariaateqarnissaanik isumallualersitsillutik.
Taamaalilluni kitaani ukiuni qulini kingullerni raakalilliartorsimanera mumittutut isikkoqalertoq, uumassusilerituut allapput.
Raajat tukerlaat aalisarneqarsinnaalersussat amerliartorput, ukiuni kingullerni qulini amerlanerpaaffigisimasamittungajak amerlassuseqarlutik.
Aamma raajaaqqat marlunnik ukiullit ukiuni 20-ni kingullerni agguaqatigiissillugu amerlassuserisarsimasaminniit amerlanerummata
Kisianni saarulliit ukiuni siuliani pingasunituullu raajartortiginissaat naatsorsuutigineqarpoq.
Rajartassiissutit naalakkeersuisunit 2008-miilli appasitsineqarput, pisaasartut 2008-miilli ikiliartorsinerisa kingunerisaanik raajaqarneruleriartorneranut biologit peqqutaatippaat.
