Raajat akisunerulissapput
Nunarsuarmi raajat akii qaffakkaluttuinnarnerat pissutigalugu Royal Greenlandip nunatsinni tunisassianik tuniniaavia malinnaaniarluni aalajangerpoq, taamaattumillu raajat uutat qalipaajakkallu akii 2015-imi oktobarip aallaqqaataani qaffassapput.
Allattoq Simon Uldum -
septembarip 22-at 2015 06:48
- Taamaalisukkullu raajat qaqerlaatut uutat 5 kg-kkaat akii aamma qaffapput. Raajanilli qalipalinnik poortuilluni tunisassiornermi Royal Greenlandip aningaasartuutigisartagai siornatigumut sanilliullugit ikinnerusut paasineqarpoq. Taamaattumik raajat qalipallit 500 g-kkaat 1000 g-kkaallu akii apparput, Royal Greenland nittartakkamini taama allaaserisaqarpoq.
Tunisassiat sorliit allanik akeqalersimanersut ataani takusinnaavarsi. Tunisassiat allat ataani allassimanngitsut akii allanngortinneqarnavianngillat.
Najoqqutarisaq: Royal Greenland.
