Atorfilittat ilisimasaqanngitsut

Namminersornerullutik Oqartussani Naalakkersuisunilu atorfilittat arlaannaataluunniit ilassinninnermi aningaasat qassit atorneqartarnerat ilisimanngikkaat, aviisip ullormut saqqumertartup Politikenip allaaseraa. Aviisip taassuma pappiaqqat tamatuminnga uppernarsaasut pissarsiarisimavai.

Aviisi ullumi allaaserineqarpoq, Namminersornerullutik Oqartussani qullersaasoq Kaj Kleist Aalisarnerni pisortaqarfiup pisortaata Amalie Jessenip februaarimili attaveqarfigisimagaa. Taassuma maleruagassat ilassinnittoqartillugu atugassat nalornissutigalugit, e-mailikkut saaffiginnissutigisimavai, tamatuma qanoq paasisassaaneranik nassuiaateqqusimalluni.

Amalie Jessenip Naalakkersuisorisani Rasmus Frederiksen pillugu ima allassimavoq,:”Inussiarnersisoqaleraluttuinnannguatsiarpoq allat qaarsillartinneqartarlutik nuannatsinneqartualerput, tamanna ingasaleraluttuinnarpoq”.

Politikenip allaaserisaa malillugu februaarip 22-iani Amalie Jessen Kaj Kleistimut taama allassimavoq.

Kaj Kleistimiilli ikiortissamik pissarsingaarsimanngilaq, taassuma Naalakkersuisut kaajallaasitaat innersuussutigiinnarsimavaa.

Kaajallaasitami tassani allassimasut paasiuminaatsumik allataasimapput, taakku ima paasiuminaatsigisimapput Naalakkersuisut siulittaasuata Hans Enoksenip nassuiarsinnaasimanngikkai, Namminersornerullutik Oqartussat eqqartuussisuserisuisa taama oqaatigisimavaat.

Tamatuma kinguneraa Naalakkersuisuni ilaasortap Rasmus Frederiksenip Naalakkersuisuuffini qimattariaqalermagu, eqqartuussisullu oqarnerarat naapertorlugu atorfilittat qullersaasaluunniit politikerertami qanoq ilassinninnermut atuitigineri aqussinnaasimanngilaat.