Ataatsimiititaliap siulittaasua eqqissisaasoq
Suliffeqarfiit sungiusaammik sulisoqarnerulernissaannik siunnersuut Inatsisartut ataatsimiititaliaanni suli suliarineqanngimmat ernumanissamik pissutissaqanngitsoq, ataatsimiititaliameersut oqarput. Sungiusartunik sulisoqannginnermi akitsuusiisalernissamik siunnersuuteqartoqarnera attuumassuteqartut ilaasa nuannarinngilaat.
- Equngassutaasinnaasut qulaajarneqartarput. Isumaqarpunga taanna ernummatigisariaqanngikkaat, inuussutissarsiorneq pillugu inatsisartut ataatsimiititaliaani siulittasoq, Atassummeersorlu, Siverth K. Heilmann KNR-imut oqarpoq.
Suliffeqarfiit namminersortut sungiusaammik sulisunik amerlanerusunik tigusisalernissaat Naalakkersuisut inatsisissatut siunnersuutigaat.
Aamma atuaruk Sungiusaammik suliffissat isumaqatigiinngissutaasut
Aamma atuaruk Oqartussat immikkut iliuuseqarnialerput
Ilinniartut sungiusarfissaaleqisarnerat Nunatsinni ajornartorsiutaavoq ukiorpassuarnilu oqallisaajuarsimalluni, maannali inatsisitigut iliuuseqarfigineqarniarnera soqutigisaqartunit, tassa ilinniarfinnit minnerunngitsumillu ilinniartunit, nuannaarutigineqarpoq.
Aamma atuaruk KTI: Sungiusarfiit pisariaqartippagut
Inatsilli atuutilissappat suliffeqarfiit ilinniartunik sungiusaammik naammattunik sulilersitsinngikkaangata aningaasaateqarfimmut akiliuteqartalissapput. Tamannali inatsisitigut akitsuusersuiniarnerusoq, soqutigisallit isumaqarput.
Taamalu oqarneq Demokraatineersumit, Justus Hansenimit, ilalerneqarpoq.
- Sanaartorneq akisuneruliinnassaaq, akisunerulerpallu atuisut inuiaqatigiillu eqqugaassapput, taakkulu pilliuteqartussanngussassallutik. Tamatumunnga peqataasinnaanngilluinnarpunga, inuussutissarsiorneq pillugu inatsisartut ataatsimiititaliaani ilaasortaq Justus Hansen KNR-imut oqarpoq.
Aamma atuaruk Inuussutissarsiuteqartut: Pinngitsaaliinikkut ajornartorsiut qaangerneqarnavianngilaq
Aamma atuaruk GE: Sanaartorneq pitsaanerusumik pilersaarusiorneqartariaqarpoq
Ataatsimiisitaliamilu siulittaasup isumaqatigaa.
- Patsisissaqarluartumik pissarsiortaraluarluni pissarsinngikkunik, uppernarsaatissaqarpatalu, naatsorsuutiginngilara suliffeqarfik akiliisitaanissaannik pillaatissinneqartariaqartoq, Siverth k. Heilmann oqarpoq.
