Inuussutissarsiuteqartut: Pinngitsaaliinikkut ajornartorsiut qaangerneqarnavianngilaq

Matumani inatsisissatut siunniunneqartoq atuutilissappat pisortat suliffeqarfii namminersortullu ilinniartunik sungiusaammik sulilersitsinngikkaangata aningaasaateqarfimmut akiliuteqartalissapput. Tamannalu sanaartornermut suliaqartumit Permagreenimit apeqquserneqarpoq.

- Siunnersuut pinngitsaaliiniarnernmik tunngaveqarmat tupaallannarpoq, suliaqarfiutigummi matumani eqqartueqataatinneqanngillat , Permagreenimi pisortaq Preben Kold Larsen oqarpoq.

Nunatsinni sungiusaammik suliffissaaruttarneq ilinniarfippassuarni ajornartorsiutaaqaaq, teknikimillu ilinniagaqartut affaasa missai sungiusaammik ukiut tamaasa suliffissaaruttarput.

Aamma atuaruk 1 procentiinnaat inuussutissarsiornerup iluani ilinnialertarput

Aamma atuaruk KTI: Sungiusarfiit pisariaqartippagut

Ajornartorsiullu aaqqiiviginiarlugu suliffeqarfiissuit tamarmik sungiusaammik sulisoqartalernissaannik pisussaaffilerneqassasut Naalakkersuisut siunniuppaat.

Assersuutigalugu suliffeqarfik aqqaneq-marlunnik sulisoqarpat taava ikinnerpaamik ataatsimik ilinniartoqartalissapput. Taamaasiornikkullu sungiusarluni suliffissat 1800-t missaat pilersinneqassasut Naalakkersuisut ilaatigut tunngavilersuutigaat.

Siunnersuut Sulisitsisut peqatigiiffiannit, GE-mit isornartorsiorneqareerpoq, Permagreenillu isorinninnini aamma isertuutinngilaa.

Aamma atuaruk Sungiusaammik suliffissat isumaqatigiinngissutaasut

Sanaartugassammi apeqqutaallutik sanasut ilinniartullu sulilersinneqartarput, atorfissaqartinngisallu sulilersikkaanni tamanna sanaartorfimmut akisussasoq, pisortaq isumaqarpoq.

- Ikinnerpaaffiliussaq uniorukku, assersuutigalugu tallimanik sungiusaammik sulisoqarsinnaananga, taava 200.000 koruuninik akiliissaanga. Taassumammi saniatigut ilinniagaqarfinnut akileraaruteqartareerpugut, pisortaq Preben Kold Larsen oqarpoq, nangillunilu;

- Aningaasartuutigut amerliartussappata allatut naatsorsuisariaqassaanga. Akileraaruteqarnerulissaagut allatullu ajornartumik akisunerulerluta.

Aamma atuaruk GE: Sanaartorneq pitsaanerusumik pilersaarusiorneqartariaqarpoq

Permagreenimi sungiusaammik sulisut aqqaneq-marluk siorna naammassipput.
Ilinniartitaanikkullu kivitseqataanermikkut inuiaqatigiinni akisussaaqataanertik qularinagu, Permagreenip erseqqissaatigaa. 

Illoqarfinnili assigiinngitsuni sanaartortoqartillugu sungiusaammik sulisussaaruttoqartarpq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat