KTI: Sungiusarfiit pisariaqartippagut
Ilinniartut sungiusaammik suliffissaaruttarnerat pissutaalluni ilinnialerusuttut amerlasuut aallartinngitsoortarput.
Minik Amossen Nuummi Saviminilerinermik Ilinniarfimmi, KTI-mi saviminilerisutut ilinniagaqarpoq. Miniullu ilinniartoq Aqqaluk Hansen ilinniarfimmi sungiusaleruttorpaa. Sungiusaammik suliffissaaleqisoqartarnera pissutaalluni Minik Amossenip atuaqatigisimasaasa affai ilinniakkaminnik unitsitsiinnarsimasuupput
- Atuaqatikka ataasiaratik allanngorartarnikuupput, ilai uniinnarlutik praktikkerfissaqannginnamik, Minik Amossen oqarpoq.
Aamma atuaruk Inuusuttut praktikkerfissaaruttut ilinnialinngitsoortarput
Aamma atuaruk Qulaarpaa
Saviminilerinermik Ilinniarfimmut siorna ilinnialersut pingajorarterutaannai sungiusarsiffissarsipput. Aqqaluk Hansenilu ukiormanna aamma tamaviaarsorpoq.
- Praktikkerfissarsiorama suliffinnut 26-nut qinnuteqarpunga. Kisianni praktikkertuuteqarput ilaallu praktikkertuuteqarsinnaanatik. misileeqqippunga Deres Auto attavigalugu, tassanilu kingullerpaatut akuerisaavunga, ilinniartoq Aqqaluk Hansen oqaluttuarpoq.
Aamma atuaruk Oqartussat immikkut iliuuseqarnialerput
Ilinniartut sungiusarfissaaleqisarnerat Nunatsinni ajornartorsiutaaqisup aaqqiiffigineqarnissaa angunairlugu suliffeqarfiit namminersortut pisortallu suliffeqarfissui ikinnerpaaffissalikkamik ilinniartoqartalernissaat Naalakkersuisut pisussaaffilerniarpai.
Suliffeqarfinnili sungiusartunut ilinniartitsisussat ilinniagaqarnerat inatsisiliariniarneqartumi ilaannginnera isornartorsiorneqaraluartoq, KTI-mi forstanderip ernumanartoqartinngilaa.
Aamma atuaruk Sungiusaammik suliffissat isumaqatigiinngissutaasut
Aamma atuaruk GE: Sanaartorneq pitsaanerusumik pilersaarusiorneqartariaqarpoq
- Sungiusarfissat amerlissappata sulisut tunuliaqutai qiviarneqaqqaalaartariaqarput; ilinniartitsisussat ilinniarsimasuuppaat? Kisianni isumaqanngilanga ernumassutissaasoq, ilimagilluinnarpara suliffeqarfiit ilinniarluarsimasunik sulisoqartarnissaat, KTI-mi forstanderi, Jokum Møller oqarpoq.
Sanaartornermik Ilinniarfimmi, KTI-miittumi, ilinniartut aamma sungiusarfissaaleqipput. Taakkunanimi 19 procentii kisimik sungiusaammik siorna suliffissarsisimapput.
