Annertussusileriikkanut ikiorsiisarnermi inatsisissaq uninngavoq

Annertussusileriikkanik ikiorsiissutit pillugit, Inatsisartut peqqussutaata iluarsiivigineqarnissaanik inatsisissatut siunnersuut, inatsisartut 2004 –mi upernaakkut ataatsimiinneranni oqaluuserineqarpoq. Inatsisartunut ilaasortaq Ane Hansen, Inuit Ataqatigiinneersoq siunnersuuteqartuuvoq.

Suliffissuarni sulisut angerlartinneqaraangamik suliffissarsiortutut isigineqannginnertik pissutigalugu akissarsiaqartitaanatillu inunnik isumaginninnermi ikiorsiissutinik pisartagaqartitaasinnaanngillat. Ane Hansen erseqqissaalluni iluarsiissuteqaqqusinermini ilaatigut taama allappoq.

- Erligisariaqarpavut suliamik pingaarutilimmmik pisariaqartitatsinnillu sulialittut, Ane Hansen nangilluni aamma taama allappoq.

- Inatsisartuni amerlanerussuteqartut siunnersuut isumaqatiginikuuaat, naalakkersuisullu nalilersugassatut siunnersuutiginikuullugu; kisiannili naalakkersuisut maanaannakkut nikinneratigut unittoornikuuvoq, taamaattumillu siunnersuutiga qaqeqqinniarlugu qaqeqqinniarpara februaarimi Inatsisartut ataatsimmilerpata Ane Hansen oqarpoq.

- Suliffeqarnikkut aaqqissuusseqqinnerup nutaap iluani nalilersugassatut ilanngunneqarpoq, inuussutissarsiornermut ataatsimiissitaliami allannguutissanik siunnersuuteqarsimavugut, suliffeqarnikkut aaqqisuusseqqinnerup nutaap atuutilernissaanut immikkut aaqissuusseqittoqartariaqartoq; tassalu suliassaqartitsinermut aningaasaliissutit amerlineqassasut suliffissuarni sulisut maanaannaq sulinerisa kisininneqartarnerat eqqarsaatiginerullugu; Ane Hansen nassuiaavoq.