Angutimmarik Frankrig qimallugu Danmarkimut uterpoq
Angu - arsartartoqataasa taama taasarpaat - frankrigimiinnermini ikinngutini Danmarkimiittut maqaasillugit oqarsimavoq.
- Nordsjællandimi arsartartoqatinnut uternera nuannaarutigaara. Frankrigemi Dijon-imi assammik arsartartut klubbiat taakkua aqutsisui arsartartuilu ajunngitsutut maluginiarpakka. Kisianni Dijon ilisarisimasannut ikinngutinnullu ungasippallaarpoq franskillu oqaasii aporfiusarput susoqarnerit tamaasa franskit oqaasii atorneqartaramik.
- Maanna assammik arsartartut klubbiat Nordsjælland Håndbold aallunniarpara tassani unammisartut amerlanerit ilisarisimavakka, Angutimmarik Kreutzmann aviisimi Frederiksborg Amts Avisimi apersorneqarluni taama oqarpoq.
Angutimmarik Nordsjælland Håndboldimut utermat nuannaarutigaarput, piffissami aggersuni unammisaqattaarnissani pingaarutilittut inissisimassaaq, timersoqatigiiffimmi Nordsjælland Håndboldimi pisortaq Peter Bentsen oqarpoq.
Angutimmarik Kreutzmannip Nordsjælland Håndboldimi arsartartoqatini naapereerpai - sapaatip akunnerata naanerani Schweizimi unammineranni naapikkamigit.
