Politiit ullormut nalunaarutaat: Angut ikuallatsitsisimasutut pasineqartoq
Angut tarnikkut nappaatilinnut immikkoortortaqarfimmi ilisimaneqartoq, containerimik marlunngornermut unnuaani ikuallaasutut pasineqarpoq. Angut pasineqarpoq, politiiniilli tigummigallarneqarunnaaqqereerpoq, sillimasut pisortaat paasissutissiivoq.
Allattoq Nicole Sander Bertelsen
novembarip 11-at 2025 08:44
Nutserisoq Karla Heilmann
Nuummi politiit ikuallatsitsisoqarneranik nalunaartoqarneranut nalunaaqutaq 00.51 ornigupput.
Pinerluttoq aalakoorpoq tarnikkut nappaatilinnut immikkoortortaqarfimmi aamma ilisimaneqartuuvoq, sillimasut pisortaat Carl Sværd oqaluttuarpoq, angut ikuallatsitsisimasutut pasineqartoq iperagaaqqereersorli aamma oqaluttuaraa.
Angut taanna pisoqareernerata kingorna napparsimmavimmut tunniunneqarpoq, unitsinneqarsinnaanissaa siunertaralugu, imminulli isumagisinnaasoq nakorsamit nalilerneqarpoq, sillimasut pisortaat oqarpoq.
- Angut pasineqarpoq, imaassinnaasorlu suliami kingusinnerusukkut unnerluutigineqartoq pineqaatissinneqarlunilu. Unnerluussisussaatitaasut suliamik maanna nalilersuissapput, Carl Sværd oqarpoq.
